جامبىل وبلىسىنداعى جارىلىس بويىنشا جەدەل اقپارات جاريالاندى، دەپ حابارلايدى «ادىرنا» ءتىلشىسى.
مينيسترلىكتىڭ مالىمدەۋىنشە، اۋرۋحاناعا 49 تجد قىزمەتكەرى تۇسكەن.
وقيعا ورنىندا مينيستر باستاعان تجم جەدەل توبى جۇمىس ىستەۋدە. سونداي-اق الماتى قالاسىنان قۇرامىندا 6 بىرلىك تەحنيكا مەن جەكە قۇرامنىڭ 22 ادامى، تۇركىستان قالاسىنان امو 1 بىرلىك تەحنيكاسى، شىمكەنت قالاسى تجد ارنايى جاساعىنىڭ 8 بىرلىك تەحنيكاسى مەن جەكە قۇرامنىڭ 33 ادامى جانە قر تجم اپاتتار مەديتسيناسى ورتالىعىنىڭ قىزمەتكەرلەرى كەلدى.
ايتا كەتەيىك، كەشە جامبىل وبلىسى بايزاق اۋدانىنداعى ءورت ءسوندىرۋ ءبولىمىنىڭ پۋلتىنە قر قورعانىس مينيسترلىگى 28349 اسكەري ءبولىمىنىڭ قويماسىندا (جامبىل وبلىسى، كورولەۆكا كەنتى، تاراز قالاسىنان 30 شاقىرىم) ءتۇتىن شىققانى تۋرالى حابارلاما كەلىپ تۇسكەن بولاتىن. ءورت قويما عيماراتىن تولىق شارپىدى.
«ادىرنا» ۇلتتىق پورتالى
