بۇگىن قر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن قر اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) وتىرىسى ءوتتى، دەپ حابارلايدى «ادىرنا» ءتىلشىسى.
پرەمەر-ءمينيستردىڭ تاپسىرماسى بويىنشا ەپيدەميولوگيالىق جاعدايدىڭ تۇراقتانۋىنا بايلانىستى ۆاك كارانتيندىك رەجيمدى جەڭىلدەتۋ بويىنشا بىرقاتار شەشىمدەردى ماقۇلدادى.
اعىمداعى جىلدىڭ 28 تامىزىنان باستاپ «ASHYQ» جوباسىنا قاتىساتىن بارلىق بيزنەس وبەكتىلەرىنىڭ دەمالىس كۇندەرى ساعات 24:00-گە دەيىن، "ASHYQ" جوباسىنىڭ كوشباسشىلارى - "ASHYQ" قوسىمشاسى ارقىلى راستالعان قىزمەتكەرلەر مەن كەلۋشىلەردىڭ "جاسىل مارتەبەسى" (ۆاكتسيناتسيالانعاندار، 7 كۇننەن كەم ەمەس تەرىس ناتيجەسى بار پتر تەستىنىڭ بولۋى) بولعان جاعدايدا ساعات 02:00-گە دەيىن جۇمىس ىستەۋىنە، سەنبى كۇنى-قوعامدىق كولىك قىزمەتىنە رۇقسات بەرىلەدى.
اعىمداعى جىلدىڭ 30 تامىزىنان باستاپ جۇمىس كۇندەرى:
- "ASHYQ" جوباسىنا قاتىساتىن بارلىق بيزنەس وبەكتىلەرىنىڭ جۇمىس ۋاقىتى 22:00-دەن 24:00-گە دەيىن، "ASHYQ" جوباسى كوشباسشىلارىنىڭ جۇمىس ۋاقىتى 24:00-دەن 02:00-گە دەيىن ۇزارتىلدى.
«ادىرنا» ۇلتتىق پورتالى
