مۇمكىندىگى شەكتەۋلى جاندارعا قامقورلىق

2403
Adyrna.kz Telegram

سوڭعى كەزدەرى مۇمكىندىگى شەكتەۋلى بالالاردى يپپوتەراپيا ارقىلى ەمدەۋ ءادىسى پراكتيكادا كەڭىنەن قولدانىلىپ كەلەدى. بۇل ءادىس ارقىلى ەرەكشە قاجەتتىلىكتەرى بار بالالاردى الەۋمەتتىك-پسيحولوگيالىق تۇرعىدا ساۋىقتىرۋعا بولادى. 

جاڭاوزەن قالاسىندا وسى ادىسپەن ەمدەۋ ءتاسىلى جاقسى جۇيەگە قويىلىپ كەلەدى. مۇنايشىلار قالاسىنىڭ تۇرعىنى الەن سامات ەسىمدى ازامات جاس بولسا دا، باس بولىپ ەرەكشە بالالاردى ءوز قامقورلىعىنا الىپ «نۇر-الەم» اتتى ات سپورت كلۋبىن اشقان.

               

ورتالىقتا مۇمكىندىگى شەكتەۋلى بالالاردىڭ تىرەك-قيمىل جۇيەسىن ەمدەۋ ءۇشىن يپپوتەراپيا ءادىسى قولدانىلادى. ودان قالسا وڭالتۋ-ساۋىقتىرۋ شارالارى تەگىن جاسالادى. جالپى الەن ساماتتىڭ مۇمكىندىگى شەكتەۋلى جاندارعا جاساپ جاتقان قامقورلىعى مەن تاجىريبەسى ەسكەرىلىپ، 2018 جىلى ماڭعىستاۋ وبلىستىق پاراليمپيادادا مانەرلەپ ءجۇرۋ، ات سپورتىنىڭ اعا جاتتىقتىرۋشىسى بولىپ تاعايىندالدى. سول جىلى شىعىس قازاقستان وبلىسىندا قازاقستان رەسپۋبليكاسى ات سپورت فەدەراتسياسىنىڭ كۋبوگىنا مۇمكىندىگى شەكتەۋلى بالالاردىڭ اراسىندا وتكىزىلگەن جارىستا ونىڭ شاكىرتتەرى جۇلدەلى ورىنداردى يەلەنگەن.

بۇگىندە ونىڭ شاكىرتتەرى حالىقارالىق دەڭگەيدەگى دودالاردا جوعارى كورسەتكىشتەرگە قول جەتكىزىپ كەلەدى.

 

"ادىرنا" ۇلتتىق پورتالى.

پىكىرلەر