Sońǵy kezderi múmkindigi shekteýli balalardy ıppoterapııa arqyly emdeý ádisi praktıkada keńinen qoldanylyp keledi. Bul ádis arqyly erekshe qajettilikteri bar balalardy áleýmettik-psıhologııalyq turǵyda saýyqtyrýǵa bolady.
Jańaózen qalasynda osy ádispen emdeý tásili jaqsy júıege qoıylyp keledi. Munaıshylar qalasynyń turǵyny Álen Samat esimdi azamat jas bolsa da, bas bolyp erekshe balalardy óz qamqorlyǵyna alyp «Nur-Álem» atty at sport klýbyn ashqan.
Ortalyqta múmkindigi shekteýli balalardyń tirek-qımyl júıesin emdeý úshin ıppoterapııa ádisi qoldanylady. Odan qalsa ońaltý-saýyqtyrý sharalary tegin jasalady. Jalpy Álen Samattyń múmkindigi shekteýli jandarǵa jasap jatqan qamqorlyǵy men tájirıbesi eskerilip, 2018 jyly Mańǵystaý oblystyq Paralımpıadada mánerlep júrý, at sportynyń aǵa jattyqtyrýshysy bolyp taǵaıyndaldy. Sol jyly Shyǵys Qazaqstan oblysynda Qazaqstan Respýblıkasy at sport federaııasynyń kýbogyna múmkindigi shekteýli balalardyń arasynda ótkizilgen jarysta onyń shákirtteri júldeli oryndardy ıelengen.
Búginde onyń shákirtteri halyqaralyq deńgeıdegi dodalarda joǵary kórsetkishterge qol jetkizip keledi.
"Adyrna" ulttyq portaly.
