الجيردە ءبىر توپ ادام ەلدە بولعان ورتكە قاتىسى بار دەگەن كۇدىكتىنى ورتەپ جىبەردى. جەلىدە كۇدىكتىنىڭ قاتىگەزدىكپەن ولتىرىلگەنى تۋرالى ۆيدەو پايدا بولدى. پروكۋراتۋرا وقيعا بويىنشا تەرگەۋ باستاعان دەپ حابارلايدى "ادىرنا" ۇلتتىق پورتالى "centralasia.media-عا" سىلتەمە جاساپ.
France 24 تەلەارناسىنىڭ حابارلاۋىنشا، بۇل وقيعا ورتتەن ەڭ كوپ زارداپ شەككەن ايماقتاردىڭ ءبىرى تيزي -ۋزۋزۋ ايماعىنداعى لارباا ناتح يراتەن قالاسىندا بولعان. قاتىگەزدىكتىڭ قۇربانى — 38 جاستاعى ەر ادام. ونى پوليتسەيلەر ورمانداردى ورتەدى دەگەن كۇدىكپەن ۇستاعان. مۇنى بىلگەن اشۋلى حالىق پوليتسيا بولىمشەسىنە كىرىپ، ەر ادامدى سىرتقا شىعارىپ، ۇرىپ-سوعىپ، كەيىن تىرىدەي ورتەپ جىبەرگەن. سونداي -اق، ۇستالعان ادامدى قۇتقارۋعا تىرىسقان پوليتسەيلەر دە جاراقات العان.
قۇربان بولعان بەن يسمايل بەيسەنبى كۇنى كەشكە تۋعان جەرى الجيردەن باتىسقا قاراي 115 شاقىرىم جەردەگى حەميس ميليانا قالاسىندا جەرلەنگەن.
Amnesty International قۇقىق قورعاۋ ۇيىمى الجير بيلىگىن قىلمىستى دەرەۋ تەرگەۋگە جانە «زورلىق -زومبىلىق جازاسىز قالمايتىنى تۋرالى ناقتى بەلگى بەرۋگە» شاقىردى. الجير پروكۋراتۋراسى تەرگەۋ باستالعانىن حابارلادى، قازىر وقيعاعا جاپپاي قاتىسۋشىلار ىزدەستىرىلۋدە.
Al-Jazeera تەلەارناسىنىڭ حابارلاۋىنشا، الجير پوليتسياسى ورماندى ورتەدى دەگەن كۇدىكپەن 22 ادامدى ۇستاعان، ولاردىڭ 11-ءى تيزي-ۋزۋزۋ پروۆينتسياسىندا ءورتتىڭ سالدارىنان قاتتى زاقىمدانعان.
الجيردە بىرنەشە كۇن بويى ۇلكەن ورمان ءورتى بولدى. ەل بيلىگى اپاتتان 71 ادام قازا تاپقانىن، ونىڭ ىشىندە 28-ءى اسكەري قىزمەتكەر ەكەنىن مالىمدەدى.
"ادىرنا" ۇلتتىق پورتالى.
