ۇلىبريتانيالىق عالىمداردىڭ ايتۋىنشا، بيىل كۇزدە كوروناۆيرۋس ينفەكتسياسىنىڭ تاعى ءبىر تولقىنى بولۋى مۇمكىن دەپ حابارلايدى "ادىرنا" ۇلتتىق پورتالى "MedicalXpress-كە" سىلتەمە جاساپ.
بۇگىنگى كۇنى ۇلىبريتانيالىق عالىمداردى COVID-19-دىڭ "دەلتا" نۇسقاسى الاڭداتۋدا.
ولاردىڭ ايتۋىنشا، ۆاكتسينالاردىڭ ىندەتتىڭ بۇل نۇسقاعا دەگەن قارسى تيىمدىلىگى تومەن. دەمەك ۇلىبريتانيا اۋرۋدى باقىلاۋعا العىسى كەلسە، ۆاكتسيناتسيانىڭ الدەقايدا جوعارى دەڭگەيىنە جەتۋى كەرەك.
وكسفوردتاعى "AstraZeneca" ۆاكتسيناسىن ازىرلەۋشى توپ ديرەكتورى، پروفەسسور ەندريۋ پوللاردتىڭ ايتۋىنشا، "دەلتا" نۇسقاسى بۇرىن ەكپە سالدىرعان ادامدارعا جۇعاتىن بولسا، ولار ۆاكتسينا الماعان كەز كەلگەن اداممەن بايلانىستا بولۋى مۇمكىن. بۇل ۆاكتسينا ۆيرۋستىڭ تارالۋىن باياۋلاتۋى مۇمكىن دەگەندى بىلدىرمەيدى.
"قىركۇيەكتە بۇرىنعىعا ۇقساس ىندەتتىڭ ءورشۋى بولۋى مۇمكىن، ءتىپتى ودان دا جامان بولۋى عاجاپ ەمەس. سوندىقتان بۇل ءوپتيميزمنىڭ ءبارى قازىر ورىنسىز", - دەدى عالىم.
عالىمداردىڭ ايتۋىنشا، جازدىڭ باسىندا COVID-19-دىڭ كوبەيۋىنە قاراماستان، ۇكىمەت 19 شىلدەدە شەكتەۋلەردىڭ كوپشىلىگىن الىپ تاستاعان. پرەمەر-مينيستر بوريس دجونسون بۇل ءساتتى "بوستاندىق كۇنى" دەپ اتاپتى. بۇل ۇلىبريتانياداعى تابىستى ۆاكتسيناتسيا باعدارلاماسى ادامداردىڭ اۋرۋعا شالدىعۋ نەمەسە COVID-19-دان ءولۋ ىقتيمالدىعى تومەن ەكەنىن بىلدىرەدى.
الايدا زەرتتەۋشىلەردىڭ مالىمەتىنشە، 19 شىلدەدەن كەيىن اۋرۋعا شالدىققانداردىڭ سانى تاۋلىگىنە 25 مىڭعا جەتكەن، بۇل مامىردىڭ باسىنداعى كورسەتكىشتەن 10 ەسەگە كوپ.
ايتا كەتۋ كەرەك، سوڭعى اپتادا بۇل ەلدە كوروناۆيرۋسپەن اۋىرىپ، اۋرۋحاناعا تۇسكەندەردىڭ ورتاشا سانى مامىر ايىنداعىمەن سالىستىرعاندا، شامامەن سەگىز ەسەگە، ال ءولىم دەرەكتەرى 15 ەسەگە كوبەيگەن.
"ادىرنا" ۇلتتىق پورتالى.
