الماتىدا اعاسى مەن قارىنداسى “ەكپە تولقۇجاتتارىن” جاساعان (ۆيدەو)

4030
Adyrna.kz Telegram

الماتىدا اعاسى مەن قارىنداسى “ەكپە تولقۇجاتتارىن” جاساعان، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

تۋىستاردىڭ زاڭسىز ارەكەتتەرىن كريمينالدىق پوليتسيا قىزمەتكەرلەرى جەدەل جانە ارنايى ءىس-شارالار بارىسىندا انىقتادى.

«ءبىزدىڭ نازارىمىزعا ءبىرىنشى بولىپ 22 جاستاعى ا.ەسىمدى ازامات ءتۇستى، ول الاياقتىقتىڭ بارلىق ۇيىمداستىرۋشىلىق بولىگىن جۇزەگە اسىرعان: الەۋەتتى كليەنتتەردى تاپتى، كەلىسسوزدەر جۇرگىزدى، تولەمدى ەلەكتروندى اۋدارىمدار ارقىلى قابىلدادى. سودان كەيىن تەحنيكالىق جاعىن جۇزەگە اسىرۋ ءۇشىن قالاداعى ەمحانالاردىڭ بىرىندە مەدبيكە بولىپ جۇمىس ىستەيتىن اپكەسىن قوستى. 25 جاستاعى م.ەسىمدى ازاماتشا ءوز كەزەگىندە كۆي-گە قارسى ەگىلگەندەردىڭ مالىمەتتەر بازاسىنا “كليەنتتەردىڭ” دەرەكتەرىن ەنگىزدى. ءبىز ءىس جۇرگىزۋ تارتىبىمەن م.ەسىمدى ازاماتشانىڭ جۇمىس ورنىندا رۇقساتتى ىزدەۋ جۇرگىزدىك. قر قك-ءنىڭ 385-بابى بويىنشا سوتقا دەيىنگى تەرگەۋدىڭ بىرىڭعاي رەەسترىندە تىركەلگەن قىلمىستىق ءىس ماتەريالدارىنا، كەڭسە تەحنيكاسىن جانە پروفيلاكتيكالىق ەگۋلەردى تىركەۋ قۇجاتتاماسىن تىركەدىك جانە تاركىلەدىك، – دەپ حابارلادى الماتى قالالىق پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.

ەكى ايىپتالۋشى دا قىلمىستىق جاۋاپكەرشىلىككە تارتىلدى. تەرگەۋدى الماتى قالاسى پد انىقتاۋ باسقارماسى جۇرگىزۋدە.

«ادىرنا» ۇلتتىق پورتالى

پىكىرلەر