اتىراۋ وبلىسىنىڭ اكىمى ماحامبەت دوسمۇحامبەتوۆ «شەۆرون» كومپانياسىنىڭ ەۆرازيا-تىنىق مۇحيتى وڭىرىندەگى بارلاۋ جانە ءوندىرۋ جونىندەگى پرەزيدەنتى نايدجەل حيرنمەن كەزدەستى.
كەزدەسۋ بارىسىندا «شەۆرون» كومپانياسىنىڭ قاتىسۋىمەن اتىراۋ وبلىسىندا جۇزەگە اسىرىلىپ جاتقان جوبالاردىڭ بارىسى تالقىلاندى.
وبلىس اكىمى ماحامبەت دوسمۇحامبەتوۆ اتالعان كومپانيانىڭ ءىرى ينۆەستور رەتىندە وڭىردەگى، جالپى، ەل ەكونوميكاسىنداعى ءرولىن اتاپ ءوتىپ، قالىپتاسقان ءتيىمدى ارىپتەستىك جالعاسىن تاباتىنىنا سەنىم ءبىلدىردى. سونداي-اق، نەگىزگى اكتسيونەرى «شەۆرون» بولىپ تابىلاتىن «تەڭىزشەۆرويل» جشس-ءى اتىراۋ حالقى ءۇشىن قاجەتتى الەۋمەتتىك-ينفراقۇرىلىمدىق جوبالاردى ىسكە اسىرۋعا بەلسەندى اتسالىسىپ جۇرگەنى ءۇشىن العىسىن ايتتى.
سونىڭ ىشىندە، كوروناۆيرۋس پاندەمياسىمەن كۇرەستە «تەڭىزشەۆرويل» كومپانياسى ۇلكەن قولداۋ كورسەتتى.
ءوز كەزەگىندە نايدجەل حيرن اتىراۋ وڭىرىندەگى جوبالاردىڭ «شەۆرون» كومپانياسى ءۇشىن ۇلكەن ماڭىزى بار ەكەنىن اتاپ ءوتتى. سوسىن تەڭىز كەن ورنىندا كوروناۆيرۋستىڭ جاپپاي تارالۋىنا جول بەرمەي، قاتاڭ سانيتارلىق تالاپ ورناتىپ، ەپيدەميالوگيالىق احۋالدى تۇراقتى ۇستاۋعا وبلىس اكىمدىگى تاراپىنان جان-جاقتى قولداۋ جاسالىپ كەلە جاتقانىن ريزاشىلىقپەن اتاپ ءوتتى. جالپى، كومپانيا باسشىلىعى مەن جەرگىلىكتى اتقارۋشى ورگاندارمەن ارادا قالىپتاسقان جاقسى قارىم-قاتىناس وندىرىستىك جانە الەۋمەتتىك ماسەلەلەردى ءتيىمدى شەشۋگە وڭ ىقپال ەتىپ، بۇل ءوڭىر حالقىنىڭ مۇددەسىنە قىزمەت ەتەتىنىنە دە ەرەكشە توقتالدى.
ايتا كەتەيىك، اتىراۋ وبلىسى اۋماعىندا اتالعان كومپانيانىڭ قاتىسۋىمەن جۇمىس جاساپ جاتقان ءۇش جوبا بار: «تەڭىزشەۆرويل» جشس-ءى، «كاسپي قۇبىر كونسورتسيۋمى-ق» اق; «شەۆرونمۇنايگاز» ينك. پوليەتيلەن قۇبىرلارى زاۋىتى.
