اتىراۋ وبلىستىق اۋرۋحاناسىندا 230 ورىندىق ينفەكتسيالىق ستاتسيونار اشىلدى

1129
Adyrna.kz Telegram

وڭىردە كوروناۆيرۋستىق ينفەكتسيامەن اۋىرعاندار سانى وسۋدە، دەپ حابارلايدى اتىراۋ وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.

بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە اتىراۋ وبلىسى دەنساۋلىق ساقتاۋ باسقارماسى باسشىسىنىڭ ورىنباسارى قايسار ابداليەۆ مالىمدەدى.

  • ونىڭ ايتۋىنشا، سوڭعى اپتادا اتىراۋ قالاسىندا اۋرۋشاڭدىقتىڭ وسۋىنە بايلانىستى رەزەرۆتەن 330 ينفەكتسيالىق توسەك- ورىن، وبلىستىق كارديولوگيالىق ورتالىقتا 100 توسەك جانە اتىراۋ وبلىستىق اۋرۋحاناسىندا 230 توسەك پايدالانۋعا بەرىلدى. بۇگىنگى كۇنى وبلىس بويىنشا ينفەكتسيالىق ورىنداردىڭ جالپى سانى 2 428 قۇرايدى.

بۇدان باسقا، وڭىردە 310 توسەككە ارنالعان رەزەرۆتىك ينفەكتسيالىق ستاتسيونار، ونىڭ ىشىندە 20 رەانيماتسيالىق توسەك ورىن ازىرلەندى. سونداي-اق، وبلىستا 408 توسەكتىك كارانتيندىك ستاتسيونار جۇمىس ىستەيدى. بۇگىندە كارانتيندىك ورىندار بوس تۇر، – دەدى قايسار ابداليەۆ.

پىكىرلەر