Öŋırde koronavirustyq infeksiiamen auyrǧandar sany ösude, dep habarlaidy Atyrau oblysy Densaulyq saqtau basqarmasynyŋ baspasöz qyzmetı.
Būl turaly öŋırlık kommunikasiialar qyzmetınde ötken brifingte Atyrau oblysy Densaulyq saqtau basqarmasy basşysynyŋ orynbasary Qaisar Abdaliev mälımdedı.
- Onyŋ aituynşa, soŋǧy aptada Atyrau qalasynda auruşaŋdyqtyŋ ösuıne bailanysty rezervten 330 infeksiialyq tösek- oryn, Oblystyq kardiologiialyq ortalyqta 100 tösek jäne Atyrau oblystyq auruhanasynda 230 tösek paidalanuǧa berıldı. Bügıngı künı oblys boiynşa İnfeksiialyq oryndardyŋ jalpy sany 2 428 qūraidy.
Būdan basqa, öŋırde 310 tösekke arnalǧan rezervtık infeksiialyq stasionar, onyŋ ışınde 20 reanimasiialyq tösek oryn äzırlendı. Sondai-aq, oblysta 408 tösektık karantindık stasionar jūmys ısteidı. Bügınde karantindık oryndar bos tūr, – dedı Qaisar Abdaliev.
