25 جاستاعى دارىگەر جانتۇرشىگەرلىك جول اپاتىنان قايتىس بولدى، - دەپ حابارلايدى “ادىرنا” ۇلتتىق پورتالى.
وقيعا 6 تامىزدا 23.45-تە ومبى-مايقاپشاعاي تاسجولىنىڭ 380-شاقىرىمىندا بولعان.
"چەرنوياركي اۋلىنىڭ ماڭىندا Nissan Patrol اۆتوكولىگىنىڭ 32 جاستاعى جۇرگىزۋشىسى ۋاز اۆتوكولىگىمەن بەتپە-بەت سوقتىعىسقان. اپات سالدارىنان ۋاز كولىگىنىڭ 25 جاستاعى جولاۋشىسى وقيعا ورنىندا قازا تاپتى. سوت-مەديتسينالىق ساراپتاما تاعايىندالدى", - دەدى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
كولىكتەر ارنايى تۇراققا قويىلعان. ۋاز اۆتوكولىگىندە قازا تاپقان ادام ناۋقاستى قاراپ كەلە جاتقان جاس دارىگەر بولىپ شىقتى.
"دارىگەر تىلمەسى قابىنعان ايەلدى اۋرۋحاناعا جەتكىزگەن. قايتىپ كەلە جاتقاندا امبۋلاتوريا كولىگى دجيپپەن سوقتىعىسقان. دارىگەر جولدان شىعىپ، قارسى كەلە جاتقان كولىكتىڭ استىنا تۇسكەن. وتە قايعىلى وقيعا. ول وتە جاقسى دارىگەر ەدى", - دەيدى دارىگەرلەر.
دارىگەر ماعجان وماروۆتىڭ ايەلى مەن كىشكەنتاي بالاسى قالدى.
“ادىرنا” ۇلتتىق پورتالى
