قىرىمداعى كەرچ قالاسىندا اپتا بويى وتكەن «بوسپورسكيە اگونى» تەاتر فەستيۆالىنىڭ قورىتىندىسى شىقتى.
اتىراۋ جاستار تەاترى اعىلشىن جازۋشىسى بەرنارد شوۋدىڭ «تسەزار جانە كلەوپاترا» پەساسى نەگىزىندەگى «كلەوپاترا» تۇساۋكەسەر قويىلىمىن ۇسىندى. باس جۇلدە ءۇشىن قازاقستان مەن رەسەيدىڭ 11 ۇزدىك شىعارماشىلىق توبى تالاستى. ال ءبىزدىڭ ەلدى اتىراۋ جاستار تەاترى مەن جامبىل وبلىستىق ورىس دراما تەاترى ۇسىندى.
ناتيجەسىندە، 100 مىڭ ءرۋبلدى قۇراعان باس جۇلدە اتىراۋلىق جاستاردىڭ ەنشىسىنە ءتيدى. بۇدان بولەك، سپەكتاكلدەگى باستى ءرولدى سومداعان جەرلەسىمىز عايني كۋكاتوۆا «ەڭ ۇزدىك ايەل ءرولى» اتالىمىن جەڭىپ الدى.
– ءبىز ماحامبەت اتىنداعى وبلىستىق دراما تەاترىنىڭ ۇجىمى بولىپ فەستۆيالدىڭ جابىلۋىن تىكەلەي ەفيردەن تاعاتسىز تاماشالادىق. باس جۇلدەنى جاريالاپ، ءبىزدىڭ تەاتردىڭ اتى اتالعاندا قۋانىشىمىزدا شەك بولمادى. ويتپەگەندە شە؟! ءبىزدىڭ جاستار ەكى نوميناتسيانى قاتار ۇتىپ الدى عوي! ايتپاقشى، «تسەزار مەن كلەوپاترا» حالىقارالىق ساحنادا العاش قويىلىپ وتىر، – دەيدى اتىراۋ وبلىستىق دراما تەاترى ديرەكتورىنىڭ ورىنباسارى نۇرگۇل قۇمارقىزى.
