Google كومپانياسى ەسكى Android-تا جۇمىستا ىستەيتىن تەلەفون مەن پلانشەت اككاۋنتتارى ءۇشىن سەرۆيس قولجەتىمدى بولمايتىنىن 9to5google حابارلادى.
پورتال اقپاراتىنا سايكەس، بۇل 27 قىركۇيەكتەن باستاپ قولعا الىنادى.
جاڭا شەكتەۋلەر Gmail, YouTube جانە كارتالار قوسىمشالارىنا قاتىستى. ەسكى سمارتفون قولدانۋشىلارى سەرۆيستەردىڭ تەك ۆەب-ۆەرسياسىنا عانا جۇگىنە الادى.
ولاردىڭ قاتارىنا Android 1.0, 1.1, 1.5 Cupcake, 1.6 Donut, 2.0 Eclair, 2.2 Froyo جانە 2.3 Gingerbread بازاسىندا جۇمىس ىستەيتىن گادجەتتەر ەنگەن. زاماناۋي نۇسقاسى (2.3.7) 2011 جىلدىڭ قىركۇيەگىندە شىعارىلعان.
Google بۇل قولدانۋشىلار قاۋىپسىزدىگىن قامتاماسىز ەتۋ ماقساتىندا جۇزەگە اسىرىلىپ جاتقانىن مالىمدەدى. ەسكى تەلەفون يەلەرىندە جاڭا سمارتفون الۋدان باسقا امال جوق.
