كومپانيانىڭ وفيسىندە تاماقتانىپ وتىرمىن. ءبىر كەزدە اينالاما تەپ-تەگىس قازاقتىڭ جاستارى تولدى. ماڭايىمنىڭ ءبارى تەپ-تەگىس ورىسشا سويلەپ جاتىر. بۇلاردىڭ بارلىعى دا قازاقتار.
مىناۋ جاستاردىڭ ءبارى تەگىس قازاقتار. بىراق، 99.9 پايىز ەمەس، شىندىعى كەرەك، 100 پايىز وگەي تىلدە سويلەيدى. وزدەرىن وگەي تىلدە سويلەگەندەرىن مادەنيەت سانايتىن، ءدىلى قۇردىمعا كەتكەن قازاقتىڭ جاستارى.
بۇلار وگەيلەر، وگەي ەلگە قىزمەت ەتەدى.
قۇلدىقپەن كۇرەسەتىندەردەن ەڭ قيىن نارسە نە دەپ سۇراعاندا:
-قۇلعا ءوزىنىڭ قۇل ەكەنىن ءتۇسىندىرۋ، دەپ جاۋاپ بەرىپتى.
قازاق ءتىلىن قازاقتىڭ ءوزى عوي قورلاپ وتىرعان.
وسىنى ايتساڭ، قازاق بول دەسەڭ نەگە جاعاڭا جارماساتىنىن تۇسىنە الماي كەتەتىن شىعارمىن.
جۇرەگىڭ اۋىرادى.
بەكبولات قارجان،
"ادىرنا" ۇلتتىق پورتالى
