قوقىستىڭ اراسىنان تابىلعان بالا ميلليونەر ازامات بولىپ شىقتى

ال قازىرگى اڭگىمەمىزدىڭ كەيىپكەرى، بۇگىنگى كۇننىڭ وزىندە الەمنىڭ سامسۋنگ، ەپپل سەكىلدى ءىرى IT كومپانيالارىمەن باسەكەلەس بولىپ وتىرعان Frigger com-نىڭ يەسى 31 جاستاعى فرەددي فريگەر قوقىس اراسىنان شىققان. ءيا، تۋرا ماعىناسىندا! ونى فلوريدادا كەزدەيسوق جۇرگىنشى قوقىس جاشىگىنەن تاۋىپ الىپ، اۋرۋحاناعا تاپسىرعان. سول جەردەن ونى ناتان جانە بەتتي فيگگەرستەر اسىراپ الادى. باستاۋىش كلاستا وقىپ جۇرگەندە اكەسى وعان كوشە بالالارىنان الىس ءجۇرسىن دەپ 25$-عا ەسكى ،،ماكينتوش" كومپيۋتەرىن الىپ بەرەدى. ،،ونىڭ ويى ىسكە استى"- دەپ ەسكە الادى فرەددي. مەن ونى بۇزىپ-جيناپ، تاعى دەتالدار قوسىپ ساپاسىن ارتتىرىپ، IT تەحنولوگيامەن اۋەستىگىم سودان باستالدى دەپ ەسكە الادى.

13 جاسقا كەلگەندە ونىڭ كومپيۋتەردى مەڭگەرگەنى سونشالىق، تۇرىپ جاتقان كۋينسي قالاسىنىڭ ادمينستراتسياسى ونى تەحنيكالارىن جوندەۋگە جالداي باستايدى. ال 15-كە كەلگەندە ءبىرىنشى كومپانياسىن قۇرىپ، ەكى جىلدان سوڭ 150-دەن استام تۇراقتى كليەنتى بولادى. 20-عا تولعاندا اكەسى ،،التسگەيمەر" ناۋقاسىنا شالدىعىپ، سول ءۇشىن ونىڭ قاي جەردە جۇرگەنىن ءبىلىپ، ونىمەن تەلەفونسىز حابارلاساتىن جانە دارىگەرلەر ءۇشىن ناۋقاستاردىڭ جاعدايىن الىستان باقىلاپ وتىراتىن قۇرىلعىلار ويلاپ تابادى. قازىر ول كومپانياسىنىڭ كاپيتاليزاتسياسى جۇزدەگەن ميلليون $-دان اسىپ كەتكەن، تابىستى بيزنەسمەن.