قىركۇيەكتەن باستاپ ەلىمىزدەگى جوعارى وقۋ ورىندارى قاشىقتىقتان ءبىلىم بەرۋ جۇيسەسىن توقتاتادى، دەپ حابارلايدى «ادىرنا» ۇلتتىق پورتالى Qazaqstan ۇلتتىق ارناسىنا سىلتەمە جاساپ.
جاڭا ەرەجەگە سايكەس مەديتسينا، پەداگوگيكا، زاڭ، اسكەري ءىس، ۆەتەريناريا، اۆياتسيا، قۇرىلىس سالاسىنىڭ بولاشاق ماماندارى تەك كۇندىزگى بولىمدە ءبىلىم الادى.
«كوپتەگەن سۇراقتار تۋىنداپ جاتقانى بەلگىلى. ارينە، جۇمىس ىستەپ جاتقان ستۋدەنتتەرگە ىعايسىز بولىپ جاتقانى انىق. كوزقاراستارىن دا سۇراپ جاتىرمىز. ساباق كەستەسىن قالاي قۇرعان دۇرىس. بىرنەشە نۇسقاسىن ازىرلەدىك. ونى ستۋدەنتتەرگە تانىستىردىق»، - دەيدى Kozybayev University اكادەميالىق ماسەلەلەر بويىنشا باسقارما مۇشەسىنىڭ م. ا. جانار تالاسپاەۆا.
بۇگىنگى تاڭدا ەكى ساباق كەستەسىن قابىلداۋدى ءجون كورىپ وتىرمىز. ستۋدەنتتەرگە 5 اپتالىق ساباق كەستەسىن قويۋدى قاراستىرىپ وتىرمىز. 1-سەمەستردە 5 اپتا ۋنيۆەرسيتەت ىشىنە كەلىپ وقۋ كەرەك. 5 اپتانىڭ 2 اپتاسى مەكتەپتەگى كنيكۋل ۋاقىتىن قامتيدى.
پەتروپاۆلداعى قوزىباەۆ ۋنيۆەرسيتەتىنىڭ ستۋدەنتتەرى مۇنداي وزگەرىسكە نارازى. ويتكەنى وقۋ اقىسى ەكى ەسە قىمباتتايدى جانە قىزمەت ەتىپ جۇرگەندەرگە جۇمىستان شىعۋعا تۋرا كەلەدى. قاشىقتان وقىپ جاتقان 800-دەن استام ادامنىڭ كوپشىلىگى اۋىلدىق جەرلەردە تۇرىپ جاتىر. ستۋدەنتتەر وقۋ ورنىنىڭ رەكتورىنا پەتيتسيا جولداماق. ولار باستاپقىدا جاسالعان كەلىسىمشارتقا سايكەس قاشىقتىقتان وقۋ فورماتىن وزگەرتپەۋدى تالاپ ەتىپ وتىر.
«ءبىز وقىپ جۇرگەن ءبولىمنىڭ جابىلايىن دەپ جاتقانىن كەزدەيسوق بىلدىك. ديپلوم الۋعا 2 جىل عانا قالدى. ءوزىم اۋىل مەكتەبىندە مۇعالىممىن. كىشكەنتاي بالام بار. بىرگە قازىر تاڭداۋ جاساۋعا تۋرا كەلەدى: جۇمىس ىستەۋ نەمەسە وقۋ. جۇمىستان شىقساق، وقۋ اقىسىن قالاي تولەيمىز؟ قۇنى جىلىنا 400 مىڭ تەڭگە بولادى. بىزگە باستاعان وقۋىمىزدى قاشىقتىقتان اياقتاۋعا مۇمكىندىك بەرىلسە دەيمىز. ايتپەسە تولەگەن اقشا مەن ۋاقىت زايا كەتكەلى تۇر»، - دەيدى ستۋدەنت ەۆگەنيا قىلىشبەكوۆا.
"ادىرنا" ۇلتتىق پورتالى
