اقتوبە وبلىسىندا سايلاۋشىلاردىڭ 69,7 پايىزى داۋىس بەردى

2656
Adyrna.kz Telegram

اقتوبە وبلىسىندا اۋىل اكىمدەرىن سايلاۋ  34 اۋىلدىق وكرۋگتە جانە اققۇدىق اۋىلىندا وتكىزىلۋدە. داۋىس بەرۋ اتالعان وكرۋگتەردەگى 74 سايلاۋ ۋچاسكەسىندە ءوتىپ جاتىر. 25 شىلدەدەگى جەرگىلىكتى ساعات 17.00-دەگى جاعداي بويىنشا سايلاۋ بيۋللەتەندەرىن تىزىمگە ەنگىزىلگەن سايلاۋشىلاردىڭ جالپى سانىنىڭ 69,77 %-ى العان دەپ حابارلايدى "ادىرنا" ۇلتتىق پورتالىنىڭ ءتىلشىسى.

سايلاۋ كوميسسيالارىنىڭ ۇسىنعان دەرەكتەرىنە سايكەس، 2021 جىلعى 25 شىلدەدەگى ساعات 17.00-دەگى جاعداي بويىنشا كورسەتكىشتەر مىناداي: ايتەكە بي - 68,09 %، العا - 78,22 %، بايعانين - 66,46 %، ىرعىز - 66,77 %، قارعالى - 84,27 %، مارتوك - 77,67 %، مۇعالجار - 74,02 %، تەمىر - 50,64 %، ويىل - 88,99 %، قوبدا - 77,06 %، حرومتاۋ - 72,88 %، شالقار - 79,13 %.

سونىمەن 25 شىلدەدەگى ساعات 17.00-دەگى جاعداي بويىنشا اۋداندار اراسىندا بەلسەندىلىك جاعىنان ويىل اۋدانى كوش باستاپ تۇر.

— اۋماقتىق سايلاۋ كوميسسيالارىنىڭ ۇسىنعان دەرەكتەرىنە سايكەس 2021 جىلعى 25 شىلدەدەگى ساعات 17.30-داعى جاعداي بويىنشا سايلاۋ بيۋللەتەندەرىن تىزىمگە ەنگىزىلگەن سايلاۋشىلاردىڭ جالپى سانىنىڭ 69,77 پايىزى الدى. ياعني 22 337 ادام سايلاۋدا داۋىس بەردى. قازىر اۋداندار ىشىندە سايلاۋشىلاردىڭ سانى جاعىنان ويىل اۋدانى (88,9 پايىز) الدا تۇر. بۇل اۋداندا 1973 تۇرعىن داۋىس بەرگەن، — دەيدى وبلىستىق سايلاۋ كوميسسياسىنىڭ مۇشەسى شىڭعىس نۇرجىگىت.

ونىڭ ايتۋىنشا، بۇل كورسەتكىش بويىنشا 2-ورىندا قارعالى اۋدانى (84,2 %) بولسا، 3-ورىندا — شالقار اۋدانى (79,1%) .

ال وبلىستىق جەرگىلىكتى پوليتسيا قىزمەتى باسقارماسىنىڭ باسشىسى  اردانا  سايماعانبەتوۆتىڭ ايتۋىنشا، اۋدان اكىمدەرىن سايلاۋ كەزىندە قوعامدىق قاۋىپسىزدىكتى ساقتاۋعا وبلىس بويىنشا 196 پوليتسيا قىزمەتكەرى جۇمىلدىرىلعان. سونداي-اق 74 پوليتسيا قىزمەتكەرى سايلاۋ بيۋللەتەندەرىن جەتكىزۋ جۇمىستارىنا اتسالىسادى.

— پوليتسيا قىزمەتكەرلەرى بارلىق وكرۋگتەگى سايلاۋ ۋچاسكەلەرىندە ءتارتىپتى قاداعالاپ، بۇزۋشىلىقتار بولعان جاعدايدا جەدەل ارەكەت ەتەتىن بولادى. ءبىزدىڭ مىندەت — سايلاۋ كەزىندە قوعامدىق قاۋىپسىزدىكتى قامتاماسىز ەتۋ، — دەيدى ول.

وبلىستىق سايلاۋ كوميسسياسىنىڭ توراعاسى گۇلنار كۇنباەۆانىڭ ايتۋىنشا، وبلىستاعى اۋىل اكىمدەرىن سايلاۋ بارىسى تۋرالى اقپاراتتار حالىققا تىكەلەي ەفيرلەر ارقىلى حابارلانىپ وتىرادى. سايلاۋدىڭ الدىن الا قورىتىندىسى جەرگىلىكتى ۋاقىتپەن كەشكى ساعات 20.00-دە شىعارىلادى.

قازىر وبلىستاعى بارلىق اۋداندا تۇرعىندار اۋىل اكىمدەرىن سايلاۋعا بەلسەندى تۇردە قاتىسىپ جاتىر. كءاسىپ پەن شارۋانىڭ نەگىزى اۋىلدا ەكەنىن ەسكەرسەك، اۋىل اكىمدەرى سولاردىڭ ءبارىن ۇيلەستىرۋشى بولىپ تابىلادى. وسىنى تۇسىنگەن ۇمىتكەرلەر دە وسىعان دەيىن بارىنشا بەلسەندىلىك تانىتقان بولاتىن.

 

"ادىرنا" ۇلتتىق پورتالى.

پىكىرلەر