اقتوبە وبلىستىق سايلاۋ كوميسسياسىنىڭ مۇشەسى شىڭعىس نۇرجىگىت 25 شىلدەدەگى ساعات 20.00-دەگى جاعداي بويىنشا وبلىستا اۋىل اكىمدەرىن سايلاۋعا 25 308 ادام قاتىسىپ، سايلاۋشىلاردىڭ 79 پايىزى داۋىس بەرگەنىن جەتكىزدى دەپ حابارلايدى "ادىرنا" ۇلتتىق پورتالىنىڭ ءتىلشىسى.
— اۋماقتىق سايلاۋ كوميسسيالارىنىڭ ۇسىنعان دەرەكتەرىنە سايكەس 2021 جىلعى 25 شىلدەدەگى ساعات 20.00-داعى جاعداي بويىنشا سايلاۋ بيۋللەتەندەرىن تىزىمگە ەنگىزىلگەن سايلاۋشىلاردىڭ جالپى سانىنىڭ 79 پايىزى الدى. ياعني 25 308 ادام سايلاۋدا داۋىس بەردى. ولاردىڭ ىشىندە ايتەكە بي اۋدانىندا سايلاۋشىلاردىڭ 72,29 پايىزى، العا اۋدانىندا — 88,52 پايىزى، بايعانين اۋدانىندا — 86,82 پايىزى، ىرعىز اۋدانىندا — 85,93 پايىزى، قارعالى اۋدانىندا — 90,96 پايىزى، مارتوك اۋدانىندا — 93,74 پايىزى، مۇعالجار اۋدانىندا — 98,31 پايىزى، تەمىر اۋدانىندا — 55,45 پايىزى، ويىل اۋدانىندا — 93,91 پايىزى، قوبدا اۋدانىندا — 81,16 پايىزى، حرومتاۋ اۋدانىندا — 92,92 پايىزى، سونداي-اق شالقار اۋدانىندا 89,40 پايىزى داۋىس بەردى، — دەدى ول.
ونىڭ ايتۋىنشا، قازىر سايلاۋ ۋچاسكەلەرىندە داۋىستاردى ساناۋ جۇمىستارى جۇرگىزىلۋدە. ناتيجەلەرى ەرتەڭ جاريالانادى.
"ادىرنا" ۇلتتىق پورتالى.
