Aqtöbe oblysynda auyl äkımderın sailau 34 auyldyq okrugte jäne Aqqūdyq auylynda ötkızılude. Dauys beru atalǧan okrugterdegı 74 sailau uchaskesınde ötıp jatyr. 25 şıldedegı jergılıktı saǧat 17.00-degı jaǧdai boiynşa sailau biulletenderın tızımge engızılgen sailauşylardyŋ jalpy sanynyŋ 69,77 %-y alǧan dep habarlaidy "Adyrna" ūlttyq portalynyŋ tılşısı.
Sailau komissiialarynyŋ ūsynǧan derekterıne säikes, 2021 jylǧy 25 şıldedegı saǧat 17.00-degı jaǧdai boiynşa körsetkışter mynadai: Äiteke bi - 68,09 %, Alǧa - 78,22 %, Baiǧanin - 66,46 %, Yrǧyz - 66,77 %, Qarǧaly - 84,27 %, Märtök - 77,67 %, Mūǧaljar - 74,02 %, Temır - 50,64 %, Oiyl - 88,99 %, Qobda - 77,06 %, Hromtau - 72,88 %, Şalqar - 79,13 %.
Qazır oblystaǧy barlyq audanda tūrǧyndar auyl äkımderın sailauǧa belsendı türde qatysyp jatyr. Käsıp pen şaruanyŋ negızı auylda ekenın eskersek, auyl äkımderı solardyŋ bärın üilestıruşı bolyp tabylady. Osyny tüsıngen ümıtkerler de osyǧan deiın barynşa belsendılık tanytqan bolatyn.
Sonymen 25 şıldedegı saǧat 17.00-degı jaǧdai boiynşa audandar arasynda belsendılık jaǧynan Oiyl audany köş bastap tūr.— Aumaqtyq sailau komissiialarynyŋ ūsynǧan derekterıne säikes 2021 jylǧy 25 şıldedegı saǧat 17.30-daǧy jaǧdai boiynşa sailau biulletenderın tızımge engızılgen sailauşylardyŋ jalpy sanynyŋ 69,77 paiyzy aldy. Iаǧni 22 337 adam sailauda dauys berdı. Qazır audandar ışınde sailauşylardyŋ sany jaǧynan Oiyl audany (88,9 paiyz) alda tūr. Būl audanda 1973 tūrǧyn dauys bergen, — deidı oblystyq sailau komissiiasynyŋ müşesı Şyŋǧys Nūrjıgıt.
Onyŋ aituynşa, būl körsetkış boiynşa 2-orynda Qarǧaly audany (84,2 %) bolsa, 3-orynda — Şalqar audany (79,1%) .Al oblystyq jergılıktı polisiia qyzmetı basqarmasynyŋ basşysy Ardana Saimaǧanbetovtıŋ aituynşa, audan äkımderın sailau kezınde qoǧamdyq qauıpsızdıktı saqtauǧa oblys boiynşa 196 polisiia qyzmetkerı jūmyldyrylǧan. Sondai-aq 74 polisiia qyzmetkerı sailau biulletenderın jetkızu jūmystaryna atsalysady. — Polisiia qyzmetkerlerı barlyq okrugtegı sailau uchaskelerınde tärtıptı qadaǧalap, būzuşylyqtar bolǧan jaǧdaida jedel äreket etetın bolady. Bızdıŋ mındet — sailau kezınde qoǧamdyq qauıpsızdıktı qamtamasyz etu, — deidı ol. Oblystyq sailau komissiiasynyŋ töraǧasy Gülnar Künbaevanyŋ aituynşa, oblystaǧy auyl äkımderın sailau barysy turaly aqparattar halyqqa tıkelei efirler arqyly habarlanyp otyrady. Sailaudyŋ aldyn ala qorytyndysy jergılıktı uaqytpen keşkı saǧat 20.00-de şyǧarylady.
Qazır oblystaǧy barlyq audanda tūrǧyndar auyl äkımderın sailauǧa belsendı türde qatysyp jatyr. Käsıp pen şaruanyŋ negızı auylda ekenın eskersek, auyl äkımderı solardyŋ bärın üilestıruşı bolyp tabylady. Osyny tüsıngen ümıtkerler de osyǧan deiın barynşa belsendılık tanytqan bolatyn.
"Adyrna" ūlttyq portaly.
Ūqsas jaŋalyqtar
