سامارقاندتا تولقۋ: وزبەكستان اسكەر كىرگىزدى (ۆيدەو)

10025
Adyrna.kz Telegram

وزبەكستاننىڭ سامارقاند وبلىسىنداعى ۋرگۋت قالاسىندا جاپپاي تارتىپسىزدىك بولىپ، ونى باسۋ ءۇشىن بيلىك ومون مەن اسكەريلەردى جىبەرگەن دەپ حابارلايدى "ادىرنا" ۇلتتىق پورتالى "ازاتتىق" راديوسىنىڭ وزبەكستانداعى قىزمەتىنە سىلتەمە جاساپ.

جەرگىلىكتى تۇرعىنداردىڭ ايتۋىنشا، 21 شىلدەدە ۋرگۋت اۋدانىنىڭ ورتالىعىندا تۇراتىن جاس جىگىت گۋس اۋىلىنىڭ تۇرعىندارىن قاتتى قورلاعان.

وبلىستىق پوليتسيا دەپارتامەنتىنىڭ حابارلاماسىندا وقيعا 21 شىلدەدە «دۋستليك» ماحالاسىندا بولعاندىعى ايتىلادى: 32 جاستاعى جەرگىلىكتى تۇرعىن ماس كۇيىندە جەرگىلىكتى تۇرعىندارعا بوقتىق سوزدەر ايتىپ، ۆيدەو ءتۇسىرىپ، ونى Telegram توپتارىنىڭ بىرىندە جاريالاعان.

«كوبىسى بۇل سوزدەردى جەكە قورلاۋ دەپ قابىلدادى جانە كورشىلەر ونىڭ ۇيىنە بارىپ، ودان كەشىرىم سۇراۋدى تالاپ ەتتى»، - دەيدى وزبەكستان ىشكى ىستەر مينيسترلىگىنىڭ قىزمەتكەرلەرى.

كەيىن ەر ادام ءوزىنىڭ جاساعان ىسىنە وكىنىپ، كەشىرىم سۇراعان ۆيدەو جازعان، بىراق بۇل اۋىل ادامدارى ادامنىڭ جەكە باسىن جانە ونىڭ مەكەن-جايىن ءبىلىپ، ۇيىنە بارعاننان كەيىن بولعان. مۇنى بىلگەن ەر ادام ۇيىنەن قاشىپ كەتەدى، ال اۋىل تۇرعىندارى اۋدان اكىمشىلىگىنىڭ عيماراتىنا بارىپ، بيلىكتەن "قىلمىسكەردى" جازالاۋدى تالاپ ەتەدى.

وسىلايشا الگى جىگىتتىڭ ءسوزىن قاتتى قابىلداعان گۋس اۋىلىنىڭ قالعان تۇرعىندارى دا وبلىس ورتالىعىنا جينالا باستايدى.

«ازاتتىق» راديوسىنىڭ رەداكتسياسىنا جىبەرىلگەن بەينەجازبالاردا قالقان مەن تاياقپەن قارۋلانعان ونداعان اسكەري قىزمەتشىنى بايقاۋعا بولادى. نارازىلار قاۋىپسىزدىك كۇشتەرى نارازىلىق اكتسياسىنا قاتىسۋشىلاردى تاراتۋ ءۇشىن شوكەر مەن كوز جاساۋراتاتىن گاز قولداندى دەپ مالىمدەدى. بىراق ماحاللانىڭ توراعاسى دا، ۇرگۋت اۋداندىق ىشكى ىستەر ءبولىمىنىڭ وكىلدەرى دە بۇل اقپاراتتى راستاعان جوق.

سامارقاند وبلىسىنىڭ ىشكى ىستەر ديرەكتسياسى نارازىلىقتان كەيىن 140-باپ («قورلاۋ») بويىنشا قىلمىستىق ءىس قوزعالعانىن مالىمدەدى. سونداي-اق  تۇرعىنداردى قورلاپ، ۆيدەو تۇسىرگەن ادامنىڭ ۇيىنە كەلگەن ازاماتتارعا  قىلمىستىق جاۋاپتىلىق ەسكەرتىلدى.

 

«قازىر گۋس اۋىلى قورشاۋعا الىنعان سياقتى. اسكەريلەر اۋىلعا كىرىپ-شىعۋ بەكەتتەرىن جاۋىپ تاستادى. ولار اۋىلدى اسكەري تەحنيكامەن اينالىپ ءوتىپ جاتىر»، - دەدى ەكى اۋىل تۇرعىنى «ازاتتىق» راديوسىنىڭ وزبەكستانداعى قىزمەتىنە.

 

"ادىرنا" ۇلتتىق پورتالى.

پىكىرلەر