تالعاردا 13 جاسار قىزدى ءولتىرىپ كەتتى، دەپ حابارلايدى "ادىرنا" پورتالى.
قايعىلى جاعداي تۋرالى اقپارات الەۋمەتتىك جەلىلەردە پايدا بولدى.
ولتىرىلگەن قىزدىڭ اناسى تاڭەرتەڭ وگەي اكەسىمەن بىرگە ۇيدە قالعان قىزىمەن حابارلاسا المادى. مازاسىزدانىپ، ول جۇمىسىنان شىعىپ، ۇيىنە باردى. كەلگەندە ەسىكتى اشا المادى. كورشىلەرى ەسىكتى بۇزۋعا كومەكتەستى. بولمەدەن قىزدىڭ دەنەسى، زورلىق-زومبىلىق پەن تۇنشىعۋ ىزدەرى تابىلدى. قۇقىق بۇزۋشى قاشىپ كەتتى، بىراق الماتىدا ۇستالدى، - دەيدى kris_p_talgar باسىلىمىندا.
وبلىستىق پوليتسيا 13 جاستاعى قىزدى ءولتىردى دەگەن كۇدىكپەن 47 جاستاعى الماتى وبلىسىنىڭ تۇرعىنى قاماۋعا الىنعانىن راستادى.
"23 شىلدەدە تالعارداعى جەكە ۇيلەردىڭ بىرىندە زورلىقپەن ءولىم بەلگىلەرى بار 13 جاسار قىزدىڭ دەنەسى تابىلدى. وقيعا قازاقستان رەسپۋبليكاسى قىلمىستىق كودەكسىنىڭ 99 ب. 3-ت. «ادام ءولتىرۋ» فاكتىسى بويىنشا تىركەلدى. وقيعا ورنىنا كەلگەن جەدەل-تەرگەۋ توبى قاجەتتى شارالاردى قولدانىپ، اسا اۋىر قىلمىس جاسادى دەگەن كۇدىكپەن قىزدىڭ 47 جاستاعى وگەي اكەسىن انىقتادى. بەلگىلى بولعانداي، ەر ادام قىزدىڭ اناسىمەن ازاماتتىق نەكەدە بولعان", دەپ اتاپ ءوتتى دەپارتامەنت.
كۇدىكتى وقيعا ورنىنان قاشىپ كەتتى، بىراق كەيىنىرەك الماتى اۋماعىندا ۇستالدى.
قازىرگى ۋاقىتتا ۇستالعان ەر. قر قىلمىستىق ءىس جۇرگىزۋ كودەكسىنىڭ 128-بابى ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ ءجۇرىپ جاتىر.
"ادىرنا" ۇلتتىق پورتالى
