وپپوزيتسيالىق باعىتتى ۇستاناتىن بەلگىلى جۋرناليست، ساياساتكەر، "دات" گازەتىنىڭ رەداكتورى ەرمۇرات ءباپي قازاق ەلىنىڭ ساياسي رەفورمالارىنا قاتىستى كەنەن وي، تولىمدى پىكىر ءبىلدىردى. جۋرناليست "ديۆان ساراپشىلارى" يۋتۋب-ارناسىندا قوناق بولىپ، ەلدەگى ساياسي بەتبۇرىستاردى كەڭىنەن تالقىلاردى، دەپ حابارلايدى "ادىرنا" ۇلتتىق پورتالى.
جۋرناليست، ساياساتكەر ەرمۇرات ءباپي ارنادا جۋرناليستەرمەن كەڭ كولەمدە سۇحباتتاسىپ، جاڭا رەفورمالاردىڭ قازاقستان ءۇشىن تيىمدىلىگىنە كاسىبي باعا بەردى. سونىمەن قاتار، قۇجاتنامالىق وزگەرىستەردى ءسوز ەتىپ، زاڭ اكتىلەرىنىڭ ماڭىزدى تەتىكتەرىن تالقىلادى.
- پرەزيدەنت توقاەۆتىڭ اتىنان ەلدەگى وزگەرىستەرگە دەگەن ىقىلاس، جاقسى باستامالار بار. وعان داۋ كەلتىرۋگە بولماس. سەڭ قوزعالدى. وزگەرىستەر باستالىپ جاتىر. سايلاۋ جۇيەسىندەگڭ وزگەرىستەر، ماسەلەن. وتىز مانداتتىڭ سايلاۋعا ءتۇسۋىنىڭ ءوزى ايتارلىقتاي وزگەرىس دەپ ايتۋعا بولادى. "قوعامدا ەشقانداي دا وزگەرىس جوق، ەشتەڭە رەتتەلمەي جاتىر. بۇرىنعى نازارباەۆتىڭ جۇيەسى قالاي بولسا، توقاەۆتىڭ دا جۇيەسى تۋرا سول" دەگەن پىكىر بار، ارينە. وتىز جىل وتىرىپ قالعان حالىق ەلدەگى وزگەرىستەردىڭ قارقىنى قاتتى بولعانىن قالايدى. كىرشىش، قامال بولىپ قالعان وتىز جىلدىق جۇيەنى وزگەرتۋ ءۇشىن بيلىك ازاماتتىق قوعامنىڭ، حالىقتىڭ كومەگىنە جۇگىنۋى كەرەك.
"ادىرنا" ۇلتتىق پورتالى
