قۇربان ايت مەرەكەسىنىڭ ءبىرىنشى كۇنى 40 مىڭنان استام مۇقتاج وتباسىعا تەگىن ەت تاراتىلدى. بۇل تۋرالى «ەۋرازيا» ءبىرىنشى ارناسى سىلتەمە جاساپ "ادىرنا" ۇلتتىق پورتالى حابارلايدى.
رەسپۋبليكا بوينىشا qurban2021.kz سايتى ارقىلى 2 132 ادام قۇرباندىق شالۋعا ونلاين تاپسىرىس بەرگەن ەكەن. جالپى سانى - 7 670 مال سويىلعان. ونىڭ 6740-ى قوي، 603-ءى ءىرى قارا، 318 -ءى ەشكى، 9-ى تۇيە. وسىلايشا جاعدايى تومەن 40156 وتباسىعا قۇرباندىق ەتى جەتكىزىلدى. ىندەت ءورشىپ تۇرعاندىقتان، بيىل دا قۇرباندىق شالۋدا شەكتەۋلەر بولدى. اتاپ ايتقاندا، "جاسىل" ايماقتاعى رۇقسات بەرىلگەن قاساپحانالاردا قۇرباندىق ادەتتەگىدەي، ال "سارى" ايماقتاردا ونلاين فورماتتا شالىندى. بۇلاردىڭ بارىنە Ashyq قوسىمشاسى ەنگىزىلگەن. ال "قىزىل" ايماقتاعىلار ءۇشىن ارنايى سايت ىسكە قوسىلعان ەدى.
ونلاين قۇرباندىق گالۋ ستاتيستيكاسى ءالى دە ءوسۋى مۇمكىن. ويتكەنى قۇربان ايتتىڭ ەكىنشى كۇنگى دەرەكتەر جوعارىداعىداي.
"ادىرنا" ۇلتتىق پورتالى
