سوتتالۋشىلارعا ارنالعان جاتاقحانا قيراپ، ءۇش ادام كوز جۇمدى

2049

اقتاۋ قالاسىندا سوتتالۋشىلارعا ارنالعان جاتاقحانا قيراپ، 11 ادام زارداپ شەككەن، ونىڭ ۇشەۋى كوز جۇمدى دەپ حابارلايدى "ادىرنا" ۇلتتىق پورتالى.

ءىىم قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتى حابارلاعانداي، زارداپ شەككەندەردىڭ تورتەۋى مەديتسينالىق تەكسەرۋدەن كەيىن مەكەمەگە قايتارىلعان، ولاردىڭ جاعدايى جاقسى.

قازىرگى تاڭدا، كوز جۇمعان سوتتالۋشىلاردىڭ جاقىن تۋىستارىمەن بايلانىس ورناتىلىپ، قاجەتتى كومەك كورسەتىلىپ جاتىر. زارداپ شەككەندەردىڭ بىرەۋى اۋىر حالدە، ۇشەۋى ءتۇرلى جاراقات العان.

اتالعان وقيعادان كەيىن ماڭعىستاۋ وبلىسىنىڭ پوليتسيا دەپارتامەنتى قر قىلمىستىق كودەكسىنىڭ 278-بابى 3-تارماعىنا سايكەس سوتقا دەيىنگى تەرگەۋ جۇمىستارىن باستاعان.

سونداي-اق قازىر ارنايى كوميسسيا مەكەمە اۋماعىنداعى بارلىق عيماراتتارعا تەحنيكالىق تەكسەرۋلەر جۇرگىزۋدە. 

 

"ادىرنا" ۇلتتىق پورتالى.

پىكىرلەر
رەداكتسيا تاڭداۋى