ماسكەۋ قالاسىندا ەلباسى ن.ءا.نازارباەۆتىڭ قاتىسۋىمەن تۇسىرىلگەن وليۆەر ستوۋننىڭ "قازاق: التىن ادامنىڭ تاريحى" اتتى ەكى ساعاتتىق دەرەكتى ءفيلمنىڭ جابىق كورسەتىلىمى بولدى. وليۆەر ستوۋنعا ەلباسى قازاقستانعا 20 ملرد دوللار ۇسىنعانىن ايتقان.
ء"بىز يادرولىق قارۋ جاعىنان الەمدەگى تقرتىنشى ارسەنالعا يە بولدىق. ماعان مارگارەت تەتچەر، دجەيمس بەيكەر كەلە باستادى. ولاردىڭ بارلىعى كەلىپ، "زىمىرانداردى نە ىستەيسىز؟" دەپ سۇرادى،" - دەيدى ەلباسى.
قازاقستاننىڭ قازىرگى پرەزيدەنتى قاسىم-جومارت توقاەۆ 1994—1999 جىلدارى سىرتقى ىستەر ءمينيسترى قىزمەتىن اتقارعان ساتتە، كوپتەگەن مۇسىلمان ەلدەرىنەن حاتتار الا باستادى. وندا يسلام ەلدەرى "قازاقستان الەمدەگى يادرولىق قارۋى بار جالعىز يسلام مەملەكەتى ەكەنىن، قارۋدى ساقتاۋ قاجەتتىگىن" جازىپتى. سونداي حاتتىڭ بىرىنەن كەيىن قازاقستانعا پالەستينا قلتتىق اكىمشىلىگىنىڭ توراعاسى ياسير ارافات ءىس-ساپارمەن كەلەدى.
"ول كەلگەن سوڭ ءوز اتىنان ەمەس، دوستارىڭىزدىڭ اتىنان كەلدىم دەدى. ونى يادرولىق قارۋ جاعىن ءبىلۋ ءۇشىن مۋاممار كاددافي جىبەرىپتى. ارينە مەنىڭ ويىمدا ول زىمىرانداردى ساتۋ ويىمدا دا بولمادى. مەن ول زىمىرانداردى ساقتاۋ وتە قىمبات ەكەنىن، قازاقستاننىڭ شاماسى جەتپەيتىنىن ايتتىم. "قانشا قارجى كەرەك" دەدى ول. ول كەزدە قارجى جاعىن باعامداۋ قيىنداۋ ەدى، اسىرەسە دوللار بويىنشا. سوندىقتان قالجىڭداپ، 20 ملرد دوللار دەي سالدىم. جاي عانا. مەن بۇنى قالجىڭ دەپ ويلادىم. الايدا ياسير ارافات شىنايى تۇرعىدان "مەن ءسىزدىڭ ءسىزدىڭ ءسوزىڭىزدى جەتكىزەمىن، سىزدە ونداي قارجى بولادى" دەدى",- دەپ ەلباسى ءبىر تاريحي سىرمەن بولىسكەن.
ەلباسى دەرەكتى فيلمدە قارجىنىڭ تۇسپەگەنىن، تۇسكەن جاعدايدا دا المايتىنىن ايتقان.
"ادىرنا" ۇلتتىق پورتالى
