بيىل ماڭعىستاۋ وبلىسىندا حالىقتى سۋمەن قامتۋدىڭ 5 جىلعا ارنالعان باعدارلاماسى اياسىندا «كاسپي» سۋ تۇششىتۋ زاۋىتىنىڭ قۋاتىن 40 مىڭ تەكشە مەترگە دەيىن جەتكىزۋ كوزدەلۋدە دەپ حابارلايدى "ادىرنا" ۇلتتىق پورتالىنىڭ ءتىلشىسى.
بيىل بۇل جوبانىڭ ەكىنشى كەزەڭى باستالدى. بۇل جۇمىستاردى جىل سوڭىنا دەيىن اياقتاۋ جوسپارلانعان. بۇل جوباعا قارجى بولىنگەن.
— سونىمەن قاتار قاراجانباس كەن ورنىندا تاۋلىگىنە 17 مىڭ تەكشە مەتر سۋ تۇششىتۋ زاۋىتى بيىل ىسكە قوسىلادى. زاۋىت ىسكە قوسىلعاننان كەيىن «استراحان-ماڭعىشلاق» سۋ قۇبىرىنان بوسايتىن سۋ كولەمىن وڭىردە قالدىرۋ – بۇل اۋىز سۋ كولەمىن ۇلعايتۋعا مۇمكىندىك بەرەدى، — دەدى وبلىس اكىمى س.ترۇموۆ ۇكىمەتتىڭ كەڭەيتىلگەن وتىرىسىندا سويلەگەن سوزىندە.
جاڭاوزەن قالاسىن تولىقتاي سۋمەن قامتاماسىز ەتۋ ءۇشىن «كەندىرلى» كۋرورتتىق ايماعىندا تاۋلىگىنە 50 مىڭ تەكشە مەتر سۋ تۇششىتاتىن زاۋىت سالۋ كوزدەلىپ وتىر. بۇگىندە «قازمۇنايگاز» كومپانياسىمەن كەندىرلى ايماعىندا سالىناتىن زاۋىتتىڭ قۇرىلىس جۇمىستارىن باستاۋعا قۇجاتتار راسىمدەلۋدە.
سونداي-اق الداعى ۋاقىتتا قۇرىق، فورت-شەۆچەنكو، سايىن مەن اقشۇقىر اۋىلدارىندا سۋ تۇششىتۋ قوندىرعىلارىن سالۋ دا جوسپارلانىپ وتىر.
ايتا كەتۋ كەرەك، اتالعان وتىرىستا مەملەكەت باسشىسى قاسىم-جومارت توقاەۆ ۇكىمەتكە ماڭعىستاۋداعى سۋمەن قامتۋعا باعىتتالعان جوبالارعا قولداۋ ءبىلدىرىپ، جۇزەگە اسىرۋدى تاپسىرعان بولاتىن. بۇل جوبالاردىڭ بارلىعى ءوڭىر باسشىسىنىڭ باقىلاۋىندا.
"ادىرنا" ۇلتتىق پورتالى.
