Bıyl Mańǵystaý oblysynda halyqty sýmen qamtýdyń 5 jylǵa arnalǵan baǵdarlamasy aıasynda «Kaspıı» sý tuytý zaýytynyń qýatyn 40 myń tekshe metrge deıin jetkizý kózdelýde dep habarlaıdy "Adyrna" ulttyq portalynyń tilshisi.
Bıyl bul jobanyń ekinshi kezeńi bastaldy. Bul jumystardy jyl sońyna deıin aıaqtaý josparlanǵan. Bul jobaǵa qarjy bólingen.
— Sonymen qatar Qarajanbas ken ornynda táýligine 17 myń tekshe metr sý tuytý zaýyty bıyl iske qosylady. Zaýyt iske qosylǵannan keıin «Astrahan-Mańǵyshlaq» sý qubyrynan bosaıtyn sý kólemin óńirde qaldyrý – bul aýyz sý kólemin ulǵaıtýǵa múmkindik beredi, — dedi oblys ákimi S.Trumov Úkimettiń keńeıtilgen otyrysynda sóılegen sózinde.
Jańaózen qalasyn tolyqtaı sýmen qamtamasyz etý úshin «Kendirli» kýrorttyq aımaǵynda táýligine 50 myń tekshe metr sý tuytatyn zaýyt salý kózdelip otyr. Búginde «QazMunaıGaz» kompanııasymen Kendirli aımaǵynda salynatyn zaýyttyń qurylys jumystaryn bastaýǵa qujattar rásimdelýde.
Sondaı-aq aldaǵy ýaqytta Quryq, Fort-Shevchenko, Saıyn men Aqshuqyr aýyldarynda sý tuytý qondyrǵylaryn salý da josparlanyp otyr.
Aıta ketý kerek, atalǵan otyrysta Memleket basshysy Qasym-Jomart Toqaev Úkimetke Mańǵystaýdaǵy sýmen qamtýǵa baǵyttalǵan jobalarǵa qoldaý bildirip, júzege asyrýdy tapsyrǵan bolatyn. Bul jobalardyń barlyǵy óńir basshysynyń baqylaýynda.
"Adyrna" ulttyq portaly.
