5-13 شىلدە ارالىعىندا التاي ايماعىنىڭ كۋلۋندين جانە رۋبتسوۆ اۋداندارىنا 280 توننا قاربىز، 40 توننا پياز، 40 توننا جەمىس-جيدەك جانە 30 توننا باسقا دا فيتوسانيتارلىق قاۋپى بار ونىمدەردىڭ كىرۋىنە رۇقسات ەتىلمەگەن دەپ حابارلايدى "ادىرنا" ۇلتتىق پورتالى "روسسەلحوزنادزوردىڭ" سايتىنا سىلتەمە جاساپ.
"روسسەلحوزنادزوردىڭ" التاي ايماعىنداعى جانە التاي رەسپۋبليكاسى كەڭسەسىندەگى ينسپەكتورلار اتالعان ءونىمنىڭ يمپورتتالعانىن، ونىڭ ىشىندە جۇك تاسىمالداۋ قۇجاتتارىنا سايكەس كەلمەيتىندىگىن، ونىمدەر مەن جۇك ءتۇسىرۋ ورىندارىنىڭ جۇك الۋشىلارىنا قاتىستى مالىمەتتەر، سونداي-اق فيتوسانيتارلىق سەرتيفيكاتتار جارامسىز ەكەنىن انىقتادى.
بۇعان دەيىن رەسەي فەدەراتسياسى مەملەكەتتىك شەكاراسىنىڭ رەسەي-قازاقستان ۋچاسكەسىندەگى شەكارالاس ايماقتارداعى "روسسەلحوزنادزور" باسقارماسىنىڭ التاي ايماعى مەن التاي رەسپۋبليكاسى بويىنشا ينسپەكتورلارى شەكارا ديرەكتسياسىمەن ۆەدومستۆوارالىق ىنتىماقتاستىق شەڭبەرىندە جۇمىس ىستەگەنى بەلگىلى بولدى.
رەسەيدىڭ التاي ايماعىنا قازاقستان مەن قىرعىزستاننان 390 توننادان استام ءونىمدى اكەلۋ كەزىندە فيتوسانيتاريالىق زاڭنامانى بۇزعان 21 فاكتى انىقتالدى.
وسىلايشا بۇل ايماقتاردا فيتوسانيتارلىق زاڭنامانىڭ تالاپتارىنا سايكەس كەلمەيتىن ونىمدەردى اكەلۋگە تىيىم سالىندى. بارلىق تاۋارلار جىبەرۋشىلەرگە قايتارىلدى. كىنالىلەر رەسەي فەدەراتسياسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 10.2-بابى بويىنشا اكىمشىلىك جاۋاپكەرشىلىككە تارتىلدى.
"ادىرنا" ۇلتتىق پورتالى.
