ۇلتتىق ستاتيستيكا بيۋروسى 2021 جىلدىڭ 1 ماۋسىمىنداعى قازاقستانداعى حالىق سانىن ەسەپتەدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
2021 جىلعى 1 ماۋسىمداعى جاعداي بويىنشا حالىق سانى 18 ميلليون 984 مىڭ 800 ادامدى قۇرادى. ونىڭ ىشىندە قالاداعى تۇرعىندار – 11 ميلليون 237 مىڭ (59,2 پايىز), اۋىل حالقى – 7 ميلليون 747 مىڭ 800 ادام (40,8 پايىز).
2021 جىلعى قاڭتار-مامىردا ەلگە كەلگەندەردىڭ سانى 3 662 ادامدى، ەلدەن كەتكەندەردىڭ سانى 9 862 ادامدى قۇرادى، كوشى-قون سالدوسى 6 200 ادامدى قۇرادى.
ميگراتسيالىق پروتسەستەر كوبىنەسە تمد ەلدەرىمەن جۇرگىزىلەدى. تمد ەلدەرىنەن كەلگەندەر 84,3%-دى قۇرادى.
رەسپۋبليكا اۋماعىندا كوشەتىندەردىڭ پايىزى 23,5%-عا وسكەن. ايماقارالىق كوشۋ ءتورت وڭىردە كورىنىس تاۋىپ وتىر: الماتى – 11 647 ، نۇر-سۇلتان – 8 920, شىمكەنت – 7 342, ماڭىستاۋ وبلىسى – 327.
وسىلايشا 2020 جىلعى 1 ماۋسىممەن سالىستىرعاندا حالىق سانى 249 مىڭ ادامعا نەمەسە 1,3 پايىزعا وسكەن.
سونداي-اق 2021 جىلعى قاڭتار-مامىردا رەسپۋبليكا حالقىنىڭ تابيعي ءوسىمى 2020 جىلعى قاڭتار-مامىرمەن (106,8 مىڭ ادام) سالىستىرعاندا 4,4 پايىزعا ۇلعايدى جانە 111,5 مىڭ ادامدى قۇرادى.
"ادىرنا" ۇلتتىق پورتالى
