رەسەي باسشىسى ۆلاديمير پۋتين ۋكراينا مەن رەسەي اراسىنداعى قاتىناستى، ۋكراين حالقى مەن ورىس حالقىنىڭ اراسىنداعى تاريحي بايلانىسىنا قاتىستى ماقالا جازدى. ماقالا اتاۋى "ۋكرايندار مەن ورىستاردىڭ تاريحي بىرلىگى" دەپ اتالادى. وندا ول تاريزي تۇرعىدان ەكى حالىق بىرلەسە كۇن كەشكەنىن، ۋكراينانىڭ ءتۇرلى كەزەڭدە رەسەي قۇرامىندا بولعانىن اتاپ وتكەن.
"بولشەۆيكتەر ورىس حالقىنا تاۋسىلمايتىن تاجىريبە جاساۋشى ماتەريال رەتىندە قارادى. ولار الەمدىك رەۆوليۋتسيا جاساپ، ۇلتتىق مەملەكەتتى جويامىز دەپ ويلادى. ولار شارتتى تۇردە شەكارالاردى سىزا سالىپ، ايماقتاردى سىيلىق رەتىندە تاراتىپ بەردى. قورىتىندىلاي كەلگەندە بولشەۆيكتەردىڭ قانداي شەشىم قابىلداعانى، ەندى ماڭىزعا يە ەمەس. ول شەشىمدەر بويىنشا ۇزاق داۋلاسۋعا بولادى. ءبىر دۇنيە بەلگىلى: رەسەي شارتتى تۇردە تونالدى" دەپ جازدى ول ماقالادا.
ءدال وسىنداي لوگيكانى پۋتين ءبىر جىل بۇرىن ايتقان ەدى. "ءبىزدىڭ ەگەمەندىگىمىزگە قاتىستى وزگە دە ماسەلەلەر بار عوي. سوۆەت وداعى قۇرىلعان كەزدە، كەلىسىمشارتتا ونىڭ قۇرىمانىن شىعۋ قۇقى دا جازىلعان. ال ونىڭ (وداقتان شىعۋدىڭ) ءتارتىبى جازىلماعاندىقتان، سۇراق تۋىندايدى. ەگەر قانداي دا ءبىر رەسپۋبليكا كەڭەس وداعى قۇرامىنا قوسىلىپ، ءوز يەلىكتەرىنە ( ۆ سۆوي باگاج-رەد.) ءىرى كولەمدە رەسەي جەرىن، ءداستۇرلى رەسەي تەرريتورياسىن الىپ، كەيىن وداق قۇرامىنان شىعۋعا شەشىم قابىلداسا، وندا ەڭ قۇرىعاندا، ورىس حالقىنىڭ «سىيلىعىن» بىرگە الا كەتپەي، نەمەن كىردىڭ، سونىمەن شىعۋىڭ كەرەك قوي. وسىنىڭ ەشقايسىسى جازىلعان جوق. سوندىقتان، قازىرگى كونستيتۋتسياعا وزگەرىس ەنگىزۋدى ابدەن دۇرىس دەپ ەسەپتەيمىن", دەپ وتكەن جىلى "ماسكەۋ. كرەمل.پۋتين" اتتى باعدارلامادا ايتىپ، داۋ تۋىنداتقان ەدى.
"ادىرنا" ۇلتتىق پورتالى
