ءال-فارابي اتىنداعى قازۇۋ-دىڭ جۋرناليستيكا فاكۋلتەتىندە تۇڭعىش رەت اۋىل شارۋاشىلى سالاسى بويىنشا ءدارىس وقىلدى. دارىستى قر اۋىل شارۋاشىلىعى مينيسترلىگى «قازاق تۇلپارى» جىلقى زاۋىتىنىڭ ديرەكتورى كيكەباەۆ ءنابيوللا جۇرگىزدى.
ءال-فارابي اتىنداعى قازۇۋ-دىڭ جۋرناليستيكا فاكۋلتەتى سوڭعى 4-5 جىلدا شاكىرتتەرىنە ءداستۇرلى ماماندىقتارمەن قاتار، زامانۋي ماماندىقتاردى دا ۇيرەتىپ كەلە جاتىر. وعان باسپاگەرلىك-رەداكتورلىق جانە ديزاينەرلىك ونەر كافەدراسىنىڭ جۇمىس ىستەپ كەلە جاتقانى مىسال بولا الادى. ەلىمىزدە جۋرناليستەردى دايارلايتىن وقۋ ورىندارىندا اتالعان كافەدرانىڭ بالاماسى جوق. فاكۋلتەت دەكانى س.مەدەۋبەكۇلى شاكىرتتەرىنىڭ جان-جاقتى ءبىلىم الۋى ءۇشىن مۇمكىن بولعان بارلىق جاعدايدى جاساپ كەلەدى. سونىڭ ءبىر ايقىن مىسالى رەتىندە ن.كيكەباەۆتى قارا شاڭىراققا ءدارىس وقۋعا اكەلگەنىن ايتۋعا بولادى.
ن.كيكەباەۆ ەلىمىزدىڭ اۋىل شارۋاشىلىعىنا باسا ءمان بەرىلىپ كەلە جاتقانىن ايتىپ، اۋىل شارۋاشىلىعىنىڭ ءبىر سالاسى جىلقى شارۋاشىلىعى تۋرالى اڭگىمەلەپ بەردى. ستۋدەنتتەر ءدارىستى قىزىعا تىڭداي كەلە كوپتەگەن سۇراقتار قويىپ، وعان تۇششىمدى جاۋاپ الدى. الداعى ۋاقىتتا بۇل ءدارىستىڭ جالعاسى بولاتىنى ايتىلدى.
جاسۇلان ءناۋرىزالى
