2019 جىلى قر مادەنيەت جانە سپورت مينسترلىگىنە قاراستى الماتى قالاسىندا ورنالاسقان رەسپۋبليكالىق سپورت كوللەدجىنىڭ باسشىسى تشانوۆ امالبەك قوزىباقۇلى ءوزى باسقاراتىن كوللەدجدىڭ 9 وقۋشىسىن «ىشكى ءتارتىپتى بۇزدى» دەگەن ايىپپەن وقۋدان شىعارعان بولاتىن. كوللەدج باسشىلىعى مەن اتا-انالار اراسىندا تۇسىنبەستىك پايدا بولىپ، ءىس سوتقا دەيىن جەتتى. سوت 2020 جىلى باستالىپ، وسىدان ءبىر جارىم اي بۇرىن اياقتالدى. اتا-انالار تاراپى جەڭدى دەگەن حابار شىقتى. وسى تۇرعىدا «ادىرنا» ۇلتتىق پورتالىنىڭ ءتىلشىسى بالالاردىڭ كىناسىزدىگىن دالەلدەۋ ءۇشىن اتسالىسقان وقۋشىلاردىڭ تاەكۆوندودان باپكەرى تلەۋمۋراتوۆ تۋلەگەن مىرزانىڭ پىكىرىن بىلگەن بولاتىن.
«9 بالا زاڭسىز وقۋدان شىقتى. ەنىڭ ەكەۋى ديپلوم الاتىن ساتتەرىندە وقۋدان شىعىپ، قايتا كىرە المادى. ولار ماتەريالدىق جاعدايلارىنا بايلانىستى ءىستى سوتقا بەرە الماي جاتىر. كەيبىر وقۋشىلار سپورتتى قويىپ كەتتى. ال 4 اتا-انا ەكى جىلدىڭ كولەمىندە سوتتاسىپ، جەڭىسكە جەتتى. ادىلدىك ورناپ، بالالار وقۋعا ورنالاستى. امالبەك مىرزا بالالاردى زاڭسىز وقۋدان شىعارىپ، سىنىپتاپ-سىنىپقا قالدىردى. باسشىلىقتى زاڭسىز ءىس-ارەكەتتەرى ءۇشىن تاعى دا سوتقا بەرەتىن ويىمىز بار. ال ءوزىم ءالى جۇمىسقا ورنالاسپادىم»، - دەيدى باپكەر.
سونىمەن قاتار ول بالالاردىڭ وقۋدان شىققانىنىڭ نەگىزگى سەبەبىن دە ايتىپ تۇسىندەردى.
«وقۋدان شىققانىنىڭ نەگىزگى سەبەبى – مەنى قولداعاندارىندا بولدى. باسشىلىق مەنى جۇمىستان شەتتەتكەندە، «اعايدى قايتا جۇمىسقا قابىلداماساڭىزدار، بۇل جەردە وقىمايمىز» دەپ بالالار 2-3 جاتتىعۋعا قاتىسپاي قويعان. سول سەبەپتى ىشكى ءتارتىپتى بۇزدى دەپ ايىپتالدى»، - دەيدى ول.
ودان بولەك باپكەر دايىنداعان بالالارىن الەم چەمپيوناتىنا ءوزى اپارعىسى كەلەتىنىن ايتىپ ءوتتى.
«دايىن بالالارىمدى تارتىپ العاندىقتان شىرىلداپ ءجۇرمىن. ەتكەن ەڭبەگىم اقتالمايدى. دايىن بالالاردى ولار وزدەرىنىڭ اتتارىنا جازىپ الىپ، جارىستارعا اپارىپ جۇرەدى. مەنى جەكە باپكەر رەتىندە مويىندامادى. الەم چەمپيوناتىنا ءوز بالالارىمدى ءوزىم الىپ بارعىم كەلەدى. بارلىق باپكەردىڭ ارمانى - وسى. ءبىر وبلىستىڭ ءوزى قولا مەدال الا الماي جاتادى، ءبىز ءبىرشاما التىن الىپ كەلەتىنىمىزگە سەنەمىز. كورەالماۋشىلىق پەن قىزعانىشتىڭ سوڭى وسىلاي بولدى»، - دەيدى تلەۋمۋراتوۆ.
«الداعى جوسپار قانداي؟» دەگەن سۇراققا ول بىلاي دەپ جاۋاپ بەردى:
- قازىرگى ۋاقىتتا ديپلوم الا الماي قالعان ەكى بالاعا ادۆوكات ىزدەپ جاتىرمىز. بالالارعا وبال. ءبىرشاما جىل وقىپ، ديپلوم الاتىن كەزدە وقۋدان شىعىپ قالۋى اقىلعا قونىمسىز نارسە. بالالاردى وقۋ ۇلگەرىمى ناشار دەپ جانە ىشكى ءتارتىپتى بۇزدى دەپ قۋدالاعان. بالالاردىڭ ەشقانداي كىناسى جوق. ءبارىن ادىلدىك ءۇشىن ىستەدىك.
اتا-انالار «جۇمىسقا كايتا بار، بالالاردىڭ قاسىندا بول» دەپ جاتىر. الداعى ۋاقىتتا سوتتىڭ شەشىمى بويىنشا مينيسرلىككە حات جازساق دەپ وتىرمىز. بالالار ءوز قولىمدا، دايىندىق جۇرگىزىپ، جارىستارعا قاتىسىپ جاتىرمىز. الداعى ۋاقىتتا سول جەرگە جۇمىسقا بارامىن دەپ جوسپارلاپ وتىرمىن.
سونىمەن قاتار بالالاردىڭ باپكەرى ەشكىمگە جالا جاپپايتىندىقتارىن، سوتتىڭ شەشىمىنە عانا جۇگىنەتىندىكتەرىن ايتتى.
«ەشكىمگە جالا جاپپايمىز. سوتتىڭ شەشىمى زاڭدى كۇشىنە ەندى. بالالار ءوز قاتارلارىنان ءبىر جىلعا قالىپ كەتتى. جاڭا وقۋ جىلىندا وزىنەن جاسى كىشكەنتاي وقۋشىلارمەن وقيتىن بولادى. دەسە دە قانشاما جىل كۇرەسكەن ءىس ناتيجەسىن بەردى»، - دەدى ول.
"ادىرنا" ۇلتتىق پورتالى
