2019 jyly QR Mádenıet jáne sport mınstrligine qarasty Almaty qalasynda ornalasqan Respýblıkalyq sport kolledjiniń basshysy Tshanov Amalbek Qozybaquly ózi basqaratyn kolledjdiń 9 oqýshysyn «ishki tártipti buzdy» degen aıyppen oqýdan shyǵarǵan bolatyn. Kolledj basshylyǵy men ata-analar arasynda túsinbestik paıda bolyp, is sotqa deıin jetti. Sot 2020 jyly bastalyp, osydan bir jarym aı buryn aıaqtaldy. Ata-analar tarapy jeńdi degen habar shyqty. Osy turǵyda «Adyrna» ulttyq portalynyń tilshisi balalardyń kinásizdigin dáleldeý úshin atsalysqan oqýshylardyń taekvondodan bapkeri Tleýmýratov Týlegen myrzanyń pikirin bilgen bolatyn.
«9 bala zańsyz oqýdan shyqty. Enyń ekeýi dıplom alatyn sátterinde oqýdan shyǵyp, qaıta kire almady. Olar materıaldyq jaǵdaılaryna baılanysty isti sotqa bere almaı jatyr. Keıbir oqýshylar sportty qoıyp ketti. Al 4 ata-ana eki jyldyń kóleminde sottasyp, jeńiske jetti. Ádildik ornap, balalar oqýǵa ornalasty. Amalbek myrza balalardy zańsyz oqýdan shyǵaryp, synyptap-synypqa qaldyrdy. Basshylyqty zańsyz is-áreketteri úshin taǵy da sotqa beretin oıymyz bar. Al ózim áli jumysqa ornalaspadym», - deıdi bapker.
Sonymen qatar ol balalardyń oqýdan shyqqanynyń negizgi sebebin de aıtyp túsinderdi.
«Oqýdan shyqqanynyń negizgi sebebi – meni qoldaǵandarynda boldy. Basshylyq meni jumystan shettetkende, «aǵaıdy qaıta jumysqa qabyldamasańyzdar, bul jerde oqymaımyz» dep balalar 2-3 jattyǵýǵa qatyspaı qoıǵan. Sol sebepti ishki tártipti buzdy dep aıyptaldy», - deıdi ol.
Odan bólek bapker daıyndaǵan balalaryn álem chempıonatyna ózi aparǵysy keletinin aıtyp ótti.
«Daıyn balalarymdy tartyp alǵandyqtan shyryldap júrmin. Etken eńbegim aqtalmaıdy. Daıyn balalardy olar ózderiniń attaryna jazyp alyp, jarystarǵa aparyp júredi. Meni jeke bapker retinde moıyndamady. Álem chempıonatyna óz balalarymdy ózim alyp barǵym keledi. Barlyq bapkerdiń armany - osy. Bir oblystyń ózi qola medal ala almaı jatady, biz birshama altyn alyp keletinimizge senemiz. Kórealmaýshylyq pen qyzǵanyshtyń sońy osylaı boldy», - deıdi Tleýmýratov.
«Aldaǵy jospar qandaı?» degen suraqqa ol bylaı dep jaýap berdi:
- Qazirgi ýaqytta dıplom ala almaı qalǵan eki balaǵa advokat izdep jatyrmyz. Balalarǵa obal. Birshama jyl oqyp, dıplom alatyn kezde oqýdan shyǵyp qalýy aqylǵa qonymsyz nárse. Balalardy oqý úlgerimi nashar dep jáne ishki tártipti buzdy dep qýdalaǵan. Balalardyń eshqandaı kinási joq. Bárin ádildik úshin istedik.
Ata-analar «jumysqa kaıta bar, balalardyń qasynda bol» dep jatyr. Aldaǵy ýaqytta sottyń sheshimi boıynsha mınısrlikke hat jazsaq dep otyrmyz. Balalar óz qolymda, daıyndyq júrgizip, jarystarǵa qatysyp jatyrmyz. Aldaǵy ýaqytta sol jerge jumysqa baramyn dep josparlap otyrmyn.
Sonymen qatar balalardyń bapkeri eshkimge jala jappaıtyndyqtaryn, sottyń sheshimine ǵana júginetindikterin aıtty.
«Eshkimge jala jappaımyz. Sottyń sheshimi zańdy kúshine endi. Balalar óz qatarlarynan bir jylǵa qalyp ketti. Jańa oqý jylynda ózinen jasy kishkentaı oqýshylarmen oqıtyn bolady. Dese de qanshama jyl kúresken is nátıjesin berdi», - dedi ol.
"Adyrna" ulttyq portaly
