قالالار مەن اۋداندار ءبىلىم بولىمدەرىنىڭ باسشىلارى 16 ماۋسىمدا وبلىستىڭ بارلىق وڭىرلەرىنەن بالالار وقيتىن وبلىس ورتالىعىنىڭ ءبىلىم بەرۋ ۇيىمدارىنا باردى. وڭىردە پرەزيدەنت قاسىم-جومارت توقاەۆتىڭ قويعان قالا مەن اۋىل اراسىنداعى الشاقتىقتى ازايتۋ مىندەتى شەشىلۋدە.
«وزات» اقپاراتتىق تەحنولوگيالار ليتسەيىندە «IT-start» جازعى اكادەمياسىنىڭ ساباقتارى قىزۋ ءجۇرىپ جاتىر. وبلىستىڭ اۋىلدىق وڭىرلەرىنەن كەلگەن 6 كوماندا اكادەميانىڭ 4 جۇمىس كۇنى ىشىندە اقپاراتتىق جۇيەلەرمەن جۇمىس ىستەۋ داعدىلارىن، باعدارلامالاۋدى، روبوتوتەحنيكانى ءبىرشاما جاقسارتا الادى جانە تاجىريبەلى پەداگوگتارمەن ساباقتاردا 3-D مودەلدەۋمەن اينالىسا الادى.
وقۋشىلاردىڭ زەرتتەۋشىلىك جانە زياتكەرلىك داعدىلارىن دامىتۋ بويىنشا ماقساتتى جۇمىستار جۇرگىزىلىپ جاتقان نازارباەۆ زياتكەرلىك مەكتەبىندە قوناقتارعا يننوۆاتسيالىق قۇرال-جابدىقتارى بار وقۋ كابينەتتەرى مەن تۇرعىن بولمەلەرى دە كورسەتىلدى. بىرنەشە كۇن بۇرىن مەكتەپتى 125 تۇلەك ءبىتىرىپ شىقتى، ونىڭ ۇشەۋى «التىن بەلگى» بەلگىسىن الدى.
قوستاناي اۆتوموبيل كولىگى كوللەدجىندە ءبىلىم بولىمدەرىنىڭ باسشىلارىن تاعاتسىزدانا كۇتتى، ويتكەنى وندا وقۋعا وبلىستىڭ بارلىق وڭىرلەرىنەن تۇلەكتەر كەلەدى، ولار ەندى جايلى جاڭا جاتاقحانادا تۇرا الادى. ككات كاسىبي باعدار بەرۋ جۇمىسىنىڭ ماڭىزدىلىعىن جاقسى تۇسىنەدى جانە زاماناۋي جابدىقتارى بار شەبەرحانالار مەن زەرتحانالاردى قۋانا-قۋانا كورسەتەدى. كوللەدجدىڭ دامۋ بولاشاعى زور، ويتكەنى ول «كاماز» بولاشاق زاۋىتتارى ءۇشىن كادرلار دايارلاۋ بازاسى بولىپ تابىلادى.
ەرەكشە ءبىلىم بەرىلۋىنە قاجەتتىلىكتەرى بار بالالار دا نازاردان تىس قالعان جوق. №2 ەرەكشە ءبىلىم بەرىلۋىنە قاجەتتىلىكتەرى بار بالالارعا ارنالعان «بالاباقشا-مەكتەپ-ينتەرنات» ارنايى كەشەنىندە ەرەكشە بالالارمەن جۇمىس ىستەۋ ەرەكشەلىكتەرى تۋرالى ايتىلدى، جارقىن، تولىق جابدىقتالعان كابينەتتەر كورسەتىلدى، ينتەرناتتا تۇراتىن شالعاي اۋداندارداعى بالالاردىڭ تۇزەۋ كومەگى كۋرستارىنان ءوتۋ مۇمكىندىگىن اتاپ ءوتتى.
