Oblys oquşylary üşın mümkındıkter

Qalalar men audandar bılım bölımderınıŋ basşylary 16 mausymda oblystyŋ barlyq öŋırlerınen balalar oqityn oblys ortalyǧynyŋ bılım beru ūiymdaryna bardy. Öŋırde Prezident Qasym-Jomart Toqaevtyŋ  qoiǧan qala men auyl arasyndaǧy alşaqtyqty azaitu mındetı şeşılude. «Ozat» aqparattyq tehnologiialar liseiınde «IT-start» jazǧy akademiiasynyŋ sabaqtary qyzu jürıp jatyr. Oblystyŋ auyldyq öŋırlerınen  kelgen 6 komanda akademiianyŋ 4 jūmys künı ışınde aqparattyq jüielermen jūmys ısteu daǧdylaryn, baǧdarlamalaudy, robototehnikany bırşama jaqsarta alady jäne täjıribelı pedagogtarmen sabaqtarda 3-D modeldeumen ainalysa alady. Oquşylardyŋ zertteuşılık jäne ziiatkerlık daǧdylaryn damytu boiynşa maqsatty jūmystar jürgızılıp jatqan Nazarbaev Ziiatkerlık mektebınde qonaqtarǧa innovasiialyq qūral-jabdyqtary bar oqu kabinetterı men tūrǧyn bölmelerı de körsetıldı. Bırneşe kün būryn mekteptı 125 tülek bıtırıp şyqty, onyŋ üşeuı «Altyn belgı» belgısın aldy. Qostanai avtomobil kölıgı kolledjınde bılım bölımderınıŋ basşylaryn taǧatsyzdana küttı, öitkenı onda oquǧa oblystyŋ barlyq öŋırlerınen tülekter keledı, olar endı jaily jaŋa jataqhanada tūra alady. KKAT käsıbi baǧdar beru jūmysynyŋ maŋyzdylyǧyn jaqsy tüsınedı jäne zamanaui jabdyqtary bar şeberhanalar men zerthanalardy quana-quana körsetedı. Kolledjdıŋ damu bolaşaǧy zor, öitkenı ol «KAMAZ» bolaşaq zauyttary üşın kadrlar daiarlau bazasy bolyp tabylady.  Erekşe bılım berıluıne qajettılıkterı bar balalar da nazardan tys qalǧan joq. №2 Erekşe bılım berıluıne qajettılıkterı bar balalarǧa arnalǧan «Balabaqşa-mektep-internat» arnaiy keşenınde erekşe balalarmen jūmys ısteu erekşelıkterı turaly aityldy, jarqyn, tolyq jabdyqtalǧan kabinetter körsetıldı, internatta tūratyn şalǧai audandardaǧy balalardyŋ tüzeu kömegı kurstarynan ötu mümkındıgın atap öttı.