16 ماۋسىمدا قارجىلىق جانە سىبايلاس جەمقورلىق بۇزۋشىلىقتارىن الدىن الۋ ماسەلەلەرى بويىنشا قالالار مەن اۋداندار ءبىلىم بولىمدەرىنىڭ باسشىلارىمەن كەڭەس بارىسىندا بىرقاتار ماڭىزدى ماسەلەلەر قارالدى.
كەڭەسكە پروكۋراتۋرا ورگاندارىنىڭ، تەكسەرۋ كوميسسياسىنىڭ، توتەنشە جاعدايلار دەپارتامەنتىنىڭ وكىلدەرى قاتىستى.
وبلىستىق تەكسەرۋ كوميسسياسىنىڭ توراعاسى دميتري اناتولەۆيچ كوستيۋكوۆ ءوز سوزىندە تەكسەرۋ ناتيجەلەرى بويىنشا ءجيى كەزدەسەتىن بۇزۋشىلىقتاردى اتاپ ءوتتى.
قوستاناي وبلىسى پروكۋراتۋراسىنىڭ قوعامدىق مۇددەلەردى قورعاۋ باسقارماسىنىڭ پروكۋرورى تيمۋر باقىتبەكۇلى ەرەكەشەۆ بيۋدجەت قاراجاتىن پايدالانۋدىڭ، ونىڭ ىشىندە مەملەكەتتىك ساتىپ الۋدى وتكىزۋدىڭ تيىمدىلىگى ماسەلەسى بويىنشا ءسوز سويلەدى.
قوستاناي وبلىسى توتەنشە جاعدايلار دەپارتامەنتى مەملەكەتتىك ءورت باقىلاۋ باسقارماسى باستىعىنىڭ ورىنباسارى اسلانبەك باۋىرجانۇلى تەمىروۆ ءبىلىم بەرۋ ۇدەرىسىنىڭ قاۋىپسىزدىگىن قامتاماسىز ەتۋدەگى ماڭىزدى پروبلەمالار تۋرالى ايتتى.
قالالار مەن اۋداندار ءبىلىم بولىمدەرىنىڭ باسشىلارى مەملەكەتتىك ورگان وكىلدەرىنە وزدەرىن تولعاندىرعان سۇراقتارىن قويىپ، قاجەتتى تۇسىنىكتەمەلەر الا الدى.
قارالعان ماسەلەلەر وبلىستىڭ ءبىلىم بەرۋ سالاسىنداعى سىبايلاس جەمقورلىق تاۋەكەلدەرىن تومەندەتۋگە باعىتتالعان. ءبىزدىڭ ورتاق مىندەتىمىز – بەلسەندى ازاماتتىق ۇستانىمدى تانىتۋ، پاراساتتىلىق، ادالدىق جانە ساتىلماۋشىلىق قاعيداتتارىن قالىپتاستىرۋ. بۇل رەتتە ءبىلىم بەرۋ جۇيەسىندەگى سىبايلاس جەمقورلىقتى جويۋ ءۇشىن بۇكىل پەداگوگيكالىق قوعامداستىقتى نىعايتۋ ءبىزدىڭ باسىمدىعىمىز بولۋعا ءتيىس.
