16 maýsymda qarjylyq jáne sybaılas jemqorlyq buzýshylyqtaryn aldyn alý máseleleri boıynsha qalalar men aýdandar bilim bólimderiniń basshylarymen keńes barysynda birqatar mańyzdy máseleler qaraldy.
Keńeske prokýratýra organdarynyń, tekserý komıssııasynyń, tótenshe jaǵdaılar departamentiniń ókilderi qatysty.
Oblystyq tekserý komıssııasynyń tóraǵasy Dmıtrıı Anatolevıch Kostıýkov óz sózinde tekserý nátıjeleri boıynsha jıi kezdesetin buzýshylyqtardy atap ótti.
Qostanaı oblysy Prokýratýrasynyń qoǵamdyq múddelerdi qorǵaý basqarmasynyń prokýrory Tımýr Baqytbekuly Erekeshev bıýdjet qarajatyn paıdalanýdyń, onyń ishinde memlekettik satyp alýdy ótkizýdiń tıimdiligi máselesi boıynsha sóz sóıledi.
Qostanaı oblysy Tótenshe jaǵdaılar departamenti memlekettik órt baqylaý basqarmasy bastyǵynyń orynbasary Aslanbek Baýyrjanuly Temirov bilim berý úderisiniń qaýipsizdigin qamtamasyz etýdegi mańyzdy problemalar týraly aıtty.
Qalalar men aýdandar bilim bólimderiniń basshylary memlekettik organ ókilderine ózderin tolǵandyrǵan suraqtaryn qoıyp, qajetti túsiniktemeler ala aldy.
Qaralǵan máseleler oblystyń bilim berý salasyndaǵy sybaılas jemqorlyq táýekelderin tómendetýge baǵyttalǵan. Bizdiń ortaq mindetimiz – belsendi azamattyq ustanymdy tanytý, parasattylyq, adaldyq jáne satylmaýshylyq qaǵıdattaryn qalyptastyrý. Bul rette bilim berý júıesindegi sybaılas jemqorlyqty joıý úshin búkil pedagogıkalyq qoǵamdastyqty nyǵaıtý bizdiń basymdyǵymyz bolýǵa tıis.
