پەنتاگون: ءۇشىنشى دۇنيەجۇزىلىك سوعىس بولادى

5626
Adyrna.kz Telegram

اقش قورعانىس مينيسترلىگى قىتاي مەن رەسەيدىڭ يادرولىق قارۋ سانىن ارتتىرىپ، اۋىر بومبالاۋشى ۇشاقتاردى ۇزدىكسىز جاساۋى جاھاندىق سوعىسقا اكەلە جاتقانىن مالىمدەدى. بۇل تۋرالى ايگىلى Daily Mail گازەتىندە جازىلعان.  

"سولتۇستىك كورەيا زىمىران سىناقتارىن ارتتىرسا، يراننىڭ ۋران بايىتۋ جۇمىستارى دا توقتار ەمەس، بۇنىڭ بارلىعى دا ادامزاتتى جاھاندىق سوعىسقا جاقىنداتا تۇسەدى" دەيدى ولار.

قۇجاتتا اقش 2010 جىلى يادرولىق قارۋى بار ەلدەرمەن اتوم سانىن ازايتۋعا قاتىستى كەلىسسوزدەر جۇرگىزۋگە تىرىسقانى، الايدا باسقا كەلىسسوزدەن دەرجاۆالار باس تارتىپ، كەرىسىنشە يادرولىق قارۋ سانىن ەسەلەپ ارتتىرا تۇسكەنى ايتىلادى.  ناتيجەسىندە بىرنەشە ايماقتا يادرولىق قارۋى بار ويىنشىلاردىڭ ءوزارا سوعىس جۇرگىزۋ قاۋپى ارتقان.

"اقش ءۇشىن ەڭ قاۋىپتى ەكى ەل ول رەسەي مەن قىتاي، ويتكەنى ولاردىڭ جاڭا تەحنولوگيانى يەمدەنۋىنە مۇمكىندىكتەرى جەتكىلىكتى" دەيدى ساراپشىلار. رەسەي يادرولىق زاريادتى تاسىمالدايتىن زىمىراندار ءتۇرىن ارتتىرسا، قىتاي ءوزىنىڭ جاڭا زىمىراندارىن جاساپ جاتىر دەيدى ماماندار.

"الەمدەگى يادرولىق قاقتىعىس مۇمكىندىگى جىل وتكەن سايىن ارتىپ كەلە جاتىر. يادرولىق قارۋدىڭ ءىرى دەرجاۆالاردان بولەك، تەررورلىق توپتاردىڭ قولىنا ءتۇسۋ قاۋپى دە بار. بۇل ءسوزسىز جاڭا جاھاندىق سوعىستىڭ قاقپاسى بولماق" دەلىنگەن قۇجاتتا.

"ادىرنا" ۇلتتىق پورتالى

پىكىرلەر