الەمدەگى ەڭ جاس ميللياردەرلەر كىمدەر؟

3099
Adyrna.kz Telegram

ايگىلى Forbes تىزىمىنە ەنۋ ءۇشىن ءومىر بويى ءۇزىلىسسىز جۇمىس ىستەۋدىڭ قاجەتى جوق. داۋلەتتى وتباسىندا دۇنيەگە كەلسەڭىز نەمەسە تابىستى بيزنەسپەن اينالىسساڭىز جەتكىلىكتى. ءبىز وسى ورايدا الەمدەگى ەڭ جاس ميللياردەرلەردىڭ ءتىزىمىن جاساقتاعان ەدىك. سونىمەن...

الەمدەگى  ەڭ جاس ميللياردەرلەردىڭ ءبىرى – الەكساندرا اندرەسەن. ول نەبارى 24 جاستا.  ونىڭ وسىنشاما مول بايلىققا يە بولۋىنىڭ سىرى – وتباسىلىق بيزنەستىڭ ارقاسى. اكەسى يوحان اندەرسەننىڭ ارقاسىندا ول وتباسىلىق  Ferd ينۆەستيتسيالىق كومپانياسىنىڭ 42%-ىنا يە بولعان.

بۇل وتباسى 100 جىلدان بەرى  Tiedemanns   تەمەكى ماركاسىنىڭ قوجايىنى رەتىندە نورۆەگيادا  اتى  شىققان. 2005 جىلى اندرەسەندەر تەمەكى بيزنەسىندەگى ۇلەسىن $480 ملن-عا ساتتى. قازىرگى ۋاقىتتا  Ferd – تەك ينۆەستيتسيالىق كومپانيا.

ونى يوحان اندەرسەن باسقارادى. بۇگىندە الەكساندرا اندرەسەننىڭ بايلىعى شامامەن 1,2ملرد دوللاردى قۇرايدى.

كاتەرينا اندەرسەن — Amsterdam University College-ءدىڭ ءبىرىنشى كۋرستا وقيدى. كاتەرينا اندەرسەن مەن الەكساندرا اندەرسەن — اپالى-ءسىڭلى. ەكەۋى دە نورۆەگياداعى تانىمال Ferd كومپانياسىنىڭ مۇراگەرلەرى. ولارعا اكەسى يوحان اندەرسەن كومپانيانىڭ 42% بەرگەننەن كەيىن ەكى قىز دا بىردەن ميللياردەر بيكەشتەر بولىپ شىعا كەلگەن. ونىڭ دا بايلىعىنىڭ ۇلەسى — $1,2ملرد.

 

گۋستاۆ ماگنار ۆيتزە – ميللياردەردىڭ بالاسى.  2013 جىلى اكەسى گۋستاۆ ۆيتزە «ۆ» كلاسىنداعى اكتسياسىنىڭ ءبارىن ۇلىنا سىيعا تارتادى.

وسىدان كەيىن ول نورۆەگياداعى الپاۋىت كومپانيالاردىڭ ءبىرى «Salmar ASA» كومپانياسىنىڭ 47% ۇلەسىنە يە بولىپ شىعا كەلگەن. «Salmar ASA» كومپانياسىن جاس ميللياردەردىڭ اكەسى 1991 جىلى قۇردى.

قازىرگى ۋاقىتتا كومپانيانى اكەسى گۋستاۆ ۆيتزە باسقارادى.  ال ۇلى ماگنار  — بايلىقتىڭ زاڭدى يەسى. جالپى بايلىعىنىڭ مولشەرى — $1,1 ملرد.

ەۆان شپيگەل اۋقاتتى وتباسىنان شىققان. ول 31 جاستا. نەگىزىنەن ونىڭ ميللياردەرلەر قاتارىنا قوسىلۋىنا وتباسىنىڭ ەشقانداي قاتىسى جوق. ءوزىنىڭ جاساعان الەۋمەتتىك جەلىسى  ونى از ۋاقىتتىڭ ىشىندە الەمدەگى ميللياردەرلەر تىزىمىنە ەنگىزگەن.

ەۆان شپيگەل ستەنفورد ۋنيۆەرسيتەتىندە ديزاين سالاسىندا  وقىپ جۇرگەندە بوببي مەرفي جانە رەدجي بروۋنمەن تانىسادى.  ولار بىرىگىپ،  «Picaboo» قوسىمشاسىن ويلاپ تابادى. الايدا ولاردىڭ اراسىندا رەدجي براۋنمەن ارازدىق تۋىپ،  «Picaboo» ساتسىزدىككە ۇشىرايدى. وسىدان كەيىن ەۆان مەن بوببي بىرگە تەز ارادا تانىمالدىلىققا يە بولعان  «Snapschat»  الەۋمەتتىك جەلىسىن قۇراستىرادى.

بۇل جوباعا مارك تسۋكەربەرگ دە قىزىعۋشىلىق تانىتىپ، ونى 3 ملرد دوللارعا ساتۋلارىنا ۇسىنىس جاسايدى. بىراق ولار بۇل ۇسىنىستان باس تارتىپتى. Forbes-ءتىڭ دەرەگىنشە Snapchat- قا  كۇن سايىن 100 ملن ادام كىرەدى ەكەن. ەۆاننىڭ بۇگىنگى بايلىعىنىڭ مولشەرى — 2,1 ملرد دوللار.

 

بوببي مەرفي ستەنفوردتىق دوسى ەۆان شپيگەلمەن بىرگە «Snapchat» الەۋمەتتىك جەلىسىن ويلاپ شىعارعان. جەلى از ۋاقىتتىڭ ىشىندە حالىق اراسىندا كەڭىنەن تاراپ، تانىمالدىلىق يە بولادى.  «Forbes-ءتىڭ» باعالاۋىنشا مەرفيدىڭ «Snapchat-تاعى» ۇلەسى 11%-دان كەم ەمەس.

قازىرگى تاڭدا بوببي مەرفيدىڭ ەسەپشوتىندا 1,8 ملرد دوللار بار.

ۆان حان  — ميللياردەردىڭ بالاسى. «Juneyao Air»  اۋەكومپانياسى ۆان حاننىڭ اكەسىن ميللياردەرلەر قاتارىنا قوسادى. الايدا ونىڭ اكەسى 2004 جىلى قايتىس بولعان. ال ۆان حان وسى اۋەكومپانيانىڭ 27%-ىنا يەلىك ەتەدى. ونىڭ 1,3ملرد دوللار بايلىعى بار.

 

ليۋدۆيگ تەودور گەورگ — 1977 جىلى  «B.Braun Melsungen AG» كومپانياسىنىڭ تىزگىنىن قولعا الىپ ونى مەديتسينالىق زاتتار وندىرەتىن الپاۋىت كومپانياعا اينالدىرعان ليۋدۆيگ گەورگ براۋننىڭ كەنجە ۇلى.

بۇگىندە اتالعان كومپانيادا 54 مىڭ ادام جۇمىس ىستەيدى. 2014 جىلى كومپانيانىڭ تابىسى 5,4 ملرد دوللاردى قۇرادى. ال تەودور براۋن وسى كومپانيانىڭ 9,69%-ىنا يەلىك ەتەدى.

بۇگىندە ليۋدۆيگ تەودور براۋننىڭ بايلىعى 1,2 ملرد دوللاردى قۇرايدى.

 

"ادىرنا" ۇلتتىق پورتالى.

پىكىرلەر