اۋعانستاننىڭ باداحشانىنان تاجىكستاننىڭ تاۋ-باداحشان اۆتونوميالى وبلىسىنا قاشقان مىڭنان استام بوسقىن قاۋىپسىز جەرگە ورنالاستىرىلدى دەپ حابارلايدى "ادىرنا" ۇلتتىق پورتالى "centralasia.media-عا" سىلتەمە جاساپ.
ايماق باسشىسىنىڭ ءباسپاسوز حاتشىسى گوليب نياتبەكوۆتىڭ «ازيا-پليۋس» تىلشىسىنە حابارلاۋىنشا، بوسقىنداردىڭ دەنى — ايەلدەر، بالالار مەن قارتتار. قاۋىپسىزدىك ماقساتىندا نياتبەكوۆ بوسقىنداردىڭ قايدا ەكەنىن ناقتى ايتقان جوق. ول سونىمەن قاتار ۇكىمەتتىك ەمەس ۇيىمدار تاجىكستان ۇكىمەتىنە اۋعان بوسقىندارىن قابىلداعانى ءۇشىن العىس ايتتى.
بوسقىنداردىڭ شەكارانى ءدال قاي كۇنى كەسىپ وتكەندىگى تۋرالى مالىمەت جوق، بىراق بۇل شامامەن 4-5 شىلدەدە، ياعني اۋعانستاننىڭ باداحشان پروۆينتسياسىنىڭ 6 اۋدانىن تالىپتەر باسىپ العان كەزدە بولعان. قاۋىپسىزدىك ماقساتىندا ۆۆاو بيلىگى ءالى كۇنگە دەيىن اۋعان بوسقىندارىنىڭ ناقتى سانىن جاريالامادى. بۇعان دەيىن تەك اسكەري بوسقىندار تۋرالى حابارلانعان. بۇل — ازاماتتىق بوسقىندار تۋرالى ءبىرىنشى حابارلاما.
بۇعان دەيىن ايماق باسشىسى يودگور فايزوۆ: "اۋعانستانداعى جاعداي ءبىزدى ىشكى تۇراقتىلىقتى قامتاماسىز ەتۋگە، مەملەكەتتىك شەكارا بۇزىلۋى مۇمكىن جاعدايدا، جەردى قورعاۋعا جانە جاۋاپتى شارالاردى قابىلداۋعا شاقىرادى", — دەپ مالىمدەگەن بولاتىن. سونداي-اق ول ءماجبۇرلى بوسقىندار تۋرالى ەسكەرتكەن ەدى.
5 شىلدەدە تاجىكستان ۇلتتىق قاۋىپسىزدىك كوميتەتىنىڭ شەكارا قىزمەتى ءماجبۇرلى شەگىنۋ ناتيجەسىندە اۋعانستان ارمياسىنىڭ 1037 ساربازى تاجىكستان شەكاراسىنان ءوتتى دەپ حابارلادى. وسىلايشا ولاردىڭ جالپى سانى 1500 ادامعا ارتتى.
اۋعانستان ۇلتتىق قاۋىپسىزدىك كەڭەسىنىڭ مالىمەتتەرى بويىنشا تاجىكستاندى پانالاعان اۋعاندىق ساربازداردىڭ سانى كوپ بولعان، ونىڭ 2300-ءى ەلىنە ورالعان.
"ادىرنا" ۇلتتىق پورتالى.
