Aýǵandyq bosqyndar kóbeıýde: Tájikstan myń adamdy qabyldady

2613
Adyrna.kz Telegram

Aýǵanstannyń Badahshanynan Tájikstannyń Taý-Badahshan avtonomııaly oblysyna qashqan myńnan astam bosqyn qaýipsiz jerge ornalastyryldy dep habarlaıdy "Adyrna" ulttyq portaly "centralasia.media-ǵa" silteme jasap.

Aımaq basshysynyń baspasóz hatshysy Golıb Nııatbekovtiń «Azııa-Plıýs» tilshisine habarlaýynsha, bosqyndardyń deni — áıelder, balalar men qarttar. Qaýipsizdik maqsatynda Nııatbekov bosqyndardyń qaıda ekenin naqty aıtqan joq. Ol sonymen qatar úkimettik emes uıymdar Tájikstan úkimetine aýǵan bosqyndaryn qabyldaǵany úshin alǵys aıtty.

Bosqyndardyń shekarany dál qaı kúni kesip ótkendigi týraly málimet joq, biraq bul shamamen 4-5 shildede, ıaǵnı Aýǵanstannyń Badahshan provınııasynyń 6 aýdanyn tálipter basyp alǵan kezde bolǵan. Qaýipsizdik maqsatynda VVAO bıligi áli kúnge deıin aýǵan bosqyndarynyń naqty sanyn jarııalamady. Buǵan deıin tek áskerı bosqyndar týraly habarlanǵan. Bul — azamattyq bosqyndar týraly birinshi habarlama.

Buǵan deıin aımaq basshysy Iodgor Faızov: "Aýǵanstandaǵy jaǵdaı bizdi ishki turaqtylyqty qamtamasyz etýge, memlekettik shekara buzylýy múmkin jaǵdaıda, jerdi qorǵaýǵa jáne jaýapty sharalardy qabyldaýǵa shaqyrady", — dep málimdegen bolatyn. Sondaı-aq ol májbúrli bosqyndar týraly eskertken edi.

5 shildede Tájikstan Ulttyq qaýipsizdik komıtetiniń Shekara qyzmeti májbúrli sheginý nátıjesinde Aýǵanstan armııasynyń 1037 sarbazy Tájikstan shekarasynan ótti dep habarlady. Osylaısha olardyń jalpy sany 1500 adamǵa artty.

Aýǵanstan ulttyq qaýipsizdik keńesiniń málimetteri boıynsha Tájikstandy panalaǵan aýǵandyq sarbazdardyń sany kóp bolǵan, onyń 2300-i eline oralǵan.

"Adyrna" ulttyq portaly.

Pikirler