تانىمال رەجيسسەر، ستسەناريست، جازۋشى ساتىبالدى نارىمبەتوۆ 75 جاسىندا ومىردەن ءوتتى دەپ حابارلايدى "ادىرنا" ۇلتتىق پورتالى.
بۇعان دەيىن ارىپتەستەرى رەجيسسەردىڭ اۋىر سىرقاتتانىپ، اۋرۋحانادا جاتقانىن حابارلاعان بولاتىن.
ساتىبالدى نارىمبەتوۆ 1946 جىلى 7 ناۋرىزدا تۇركىستان وبلىسىنىڭ تۇركىستان اۋدانىنداعى اششىساي اۋىلىندا تۋعان.
ماسكەۋ قالاسىنداعى مەملەكەتتىك كينەماتوگرافيا ينستيتۋتىن بىتىرگەن. 1984 جىلى جوعارى رەجيسسەرلىك كۋرستى (گ.ن. دانەليانىڭ شەبەرحاناسى بويىنشا) بىتىرگەن. 1969 جىلدان «قازاقفيلم» ستۋدياسىندا ستسەناريشى ءارى كينورەجيسسەر رەتىندە قىزمەت ەتتى.
1970 جىلدان «قازاقفيلم» كينوستۋدياسىنىڭ كينورەجيسسەرى بولدى. ال 2005 جىلدان بەرى شاكەن ايمانوۆ اتىنداعى «قازاقفيلم» اق «دەبيۋت» بىرلەستىگىنىڭ جەتەكشىسى بولعان.
ول «قۇرمانعازى» اتتى دەرەكتى فيلمىنە (1972 جىلى), «زاۋال» (1981 جىلى), «كۇزگى بۇرالاڭ جول» (1984 جىلى) قىسقا مەتراجدى فيلمدەرىنە، «ۇرىن كەلگەن كۇيەۋ» (1987 جىلى), «سوزاقتان شىققان گاملەت» (1990 جىلى), «كوزىمنىڭ قاراسى»، «جاس اككوردەونشىنىڭ ءومىربايانى» (1994 جىلى), «ومپا» (1998 جىلى) جانە تاعى باسقا كوركەم فيلمدەرگە رەجيسسەرلىك ەتكەن.
"ادىرنا" ۇلتتىق پورتالى رەجيسسەردىڭ وتباسىنا، اعايىن-تۋىستارىنا، ارىپتەستەرىنە قايعىسىنا ورتاقتاسىپ، كوڭىل ايتادى.
"ادىرنا" ۇلتتىق پورتالى.
