Tanymal rejısser, senarıst, jazýshy Satybaldy Narymbetov 75 jasynda ómirden ótti dep habarlaıdy "Adyrna" ulttyq portaly.
Buǵan deıin áriptesteri rejısserdiń aýyr syrqattanyp, aýrýhanada jatqanyn habarlaǵan bolatyn.
Satybaldy Narymbetov 1946 jyly 7 naýryzda Túrkistan oblysynyń Túrkistan aýdanyndaǵy Aysaı aýylynda týǵan.
Máskeý qalasyndaǵy memlekettik kınematografııa ınstıtýtyn bitirgen. 1984 jyly joǵary rejısserlik kýrsty (G.N. Danelııanyń sheberhanasy boıynsha) bitirgen. 1969 jyldan «Qazaqfılm» stýdııasynda senarııshi ári kınorejısser retinde qyzmet etti.
1970 jyldan «Qazaqfılm» kınostýdııasynyń kınorejısseri boldy. Al 2005 jyldan beri Sháken Aımanov atyndaǵy «Qazaqfılm» AQ «Debıýt» birlestiginiń jetekshisi bolǵan.
Ol «Qurmanǵazy» atty derekti fılmine (1972 jyly), «Zaýal» (1981 jyly), «Kúzgi buralań jol» (1984 jyly) qysqa metrajdy fılmderine, «Uryn kelgen kúıeý» (1987 jyly), «Sozaqtan shyqqan Gamlet» (1990 jyly), «Kózimniń qarasy», «Jas akkordeonshynyń ómirbaıany» (1994 jyly), «Ompa» (1998 jyly) jáne taǵy basqa kórkem fılmderge rejısserlik etken.
"Adyrna" ulttyq portaly rejısserdiń otbasyna, aǵaıyn-týystaryna, áriptesterine qaıǵysyna ortaqtasyp, kóńil aıtady.
"Adyrna" ulttyq portaly.
