الماتى وبلىسىندا Eurocopter "EC 130B4" تىكۇشاعى قۇلادى. بۇل تۋرالى ازاماتتىق اۆياتسيا كوميتەتى مالىمدەگەن.
وقيعا 2021 جىلدىڭ 5 شىلدەسىندە الماتى وبلىسىندا ساعات 17: 40-تا بولعان. Eurocopter "EC 130B4" تىكۇشاعى جايلى قونباعان، تىركەۋ ءنومىرى UP-EC008, "AVIA" جشس پايدالانۋشىسى. اۋە كەمەسىنىڭ بورتىندا ەكيپاجدىڭ ءبىر مۇشەسى جانە ەكى جولاۋشى بولعان. قۋانىشقا وراي، زارداپ شەككەندەر جوق.
"اتالعان فاكتى بويىنشا كوميسسيا قۇرىلدى، قر يندۋستريا جانە ينفراقۇرىلىمدىق دامۋ مينيسترلىگىنىڭ اۆياتسيالىق وقيعالار مەن ينتسيدەنتتەردى تەكسەرۋ باسقارماسى تەرگەۋ جۇرگىزەتىن بولادى", - دەپ حابارلادى ااك.
Eurocopter EC 130B4 – ءارتۇرلى ماقساتتارعا ارنالعان تىكۇشاق. سالونى التى ورىندىق. تىكۇشاقتى ەكسكۋرسيالىق ۇشۋلار، VIP-جولاۋشىلاردى تاسىمالداۋ ءۇشىن پايدالانادى، تەڭىزدە جانە تاۋدا جۇمىس ىستەۋ، اەروتۇسىرىلىم جانە تاعى باسقا جاعدايلاردا قولدانىلادى.
