جەلىدە مەيىربيكەنىڭ ناۋقاستى اياۋسىز ۇرىپ-سوققان ۆيدەوسى تارادى

4395
Adyrna.kz Telegram

جەلىدە مەدبيكە پالاتاداعى ناۋقاستى اياۋسىز ۇرىپ جاتقان ۆيدەوسى پايدا بولدى، دەپ حابارلايدى "ادىرنا" ۇلتتىق پورتالى.

Pdmnews.ru سايتىنىڭ حابارلاۋىنشا، ۆيدەو كوستروما قالالىق اۋرۋحاناسىنىڭ جاراقات ءبولىمىنىڭ پالاتاسىندا تۇسىرىلگەن. كادرلاردان مەدبيكەنىڭ پاتسيەنتتى - ديۆانعا جاتقان ايەلدىڭ قولىن جانە بەتىن بىرنەشە رەت ۇرعانى كورسەتىلگەن.

رەسەي فەدەراتسياسى ىشكى ىستەر مينيسترلىگىنىڭ ايماقتىق شتابى باسىلىمعا بۇل قىزمەتكەردىڭ كىم ەكەندىگى ءالى انىقتالماعانىن ايتتى.

"مونيتورينگ بارىسىندا ءبىز وسى بەينەنى انىقتادىق. اتالعان فاكت بويىنشا تەرگەۋگە دەيىنگى تەكسەرۋ تاعايىندالدى، ءبىز مۇنداي ارەكەتتەرگە زاڭدى باعا بەرەمىز. بۇل كىم ەكەنىن انىقتاۋ كەرەك - مەيىربيكە نەمەسە سانيتارلىق قىزمەتكەر مە؟ وسى جاعدايلاردىڭ بارلىعى ناقتىلانۋدا", - دەپ اتاپ ءوتتى بولىمدە. سونداي-اق، وبلىستىق دەنساۋلىق ساقتاۋ باسقارماسى تەكسەرۋدى باستادى.

كەيىن كلينيكانىڭ باس دارىگەرى ەۆگەني نەچاەۆ باسىلىمعا مەدبيكەنىڭ پاتسيەنتتى ۇرعانى ءۇشىن جۇمىستان شىعارىلعانىن، ال وقيعا بولعان ءبولىمنىڭ باسشىسى جۇمىسىنان ايىرىلادى دەپ ايتقانى بەلگىلى بولدى.

"ول جۇمىستان شىعارىلادى جانە ماتەريال پروكۋراتۋراعا تاپسىرىلادى، ويتكەنى بۇل قىلمىستىق ءىس. سونداي-اق، ۆەدومستۆو باسشىسى قاراماعىنداعىلارعا باقىلاۋ بولماعانى ءۇشىن قىزمەتىنەن بوساتىلادى. وسى ءبولىمنىڭ قىزمەتكەرلەرىمەن جۇمىس بارلىق جاعىنان قاتاڭ باقىلاۋعا الىنادى", دەدى ول.

ۆيدەونى وسى سىلتەمە ارقىلى كورە الاسىز: https://t.me/pdmnews/40913

"ادىرنا" ۇلتتىق پورتالى

پىكىرلەر