ءتارتىپ ساقشىلارى كەزەكتى رەيد كەزىندە جىلىوي اۋدانىنا قاراستى قۇلسارى قالاسىندا تۇراتىن 31 جاستاعى تۇرعىننىڭ ۇيىنەن سالماعى جارتى توننادان اساتىن 169 دانا بەكىرە بالىعىن تاركىلەدى، دەپ حابارلايدى وبلىستىق پوليتسيا دەپارتامەنتىنەن.
قارا بازاردا باعاسى 2 ملن تەڭگەدەن اساتىن سۋ مارجانىن قايدان جانە قاشان العانىن كۇدىكتى ايتىپ بەرە المادى. پوليتسەيلەر كۇدىكتىنىڭ بۇل ىسپەن كوپتەن بەرى اينالىساتىندىعىن ايتىپ وتىر.
اتىراۋ وبلىستىق پد كريمينالدىق پوليتسيا باسقارماسىنا جىلىوي اۋدانى، قۇلسارى قالاسىنىڭ تۇرعىنى ءوزىنىڭ اۋلاسىندا بەكىرە تۇقىمداس بالىقتاردى زاڭسىز ساقتاپ جانە ساتىپ جۇرگەندىگى تۋرالى اقپارات كەلىپ تۇسكەن.
قازىرگى تاڭدا بۇل اتالعان ازاماتقا قاتىستى قك-ءتىڭ 339-بابى، 1-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە. ال كۇدىكتى ۋاقىتشا ۇستاۋ يزولياتورىنا قامالدى، – دەدى وبلىستىق پد ءباسپاسوز حاتشىسى مەيىرىم ەرداۋلەت.
