تالعات مۇساباەۆ قىزعا شابۋىل جاسادى دەگەن اقپارات تارادى

2226
Adyrna.kz Telegram

تالعات مۇساباەۆ قىزعا شابۋىل جاسادى دەگەن ايىپتاۋعا جاۋاپ بەردى، دەپ حابارلايدى «ادىرنا» ۇلتتىق پورتالى.

كەشە، 24 ماۋسىمدا مۇساباەۆ پەن استانالىق تۇرعىن الينا نۇرتاستىڭ قاقتىعىسى يت سەرۋەندەپ جۇرگەندە بولدى. الينا نۇرتاس وقيعا ورنىنا پوليتسيانىڭ شاقىرىلعانىن ايتتى. كەيىن ول قۇقىقبۇزۋشى سەنات دەپۋتاتى تالعات مۇساباەۆ ەكەنىن ءبىلىپتى.

«24.06.2021 ج. كەشكى ۋاقىتتا ترياتلون ساياباعىندا بولعان وقيعاعا بايلانىستى بىلاي دەگىم كەلەدى. سەرىگىممەن كەشەگى سەرۋەن كەزىندە يت جەتەكتەگەن قىز بىزگە قارسى جۇگىرەتىن جولاقپەن كەلە جاتتى. وعان ءيتىنىڭ تۇمىلدىرىقسىز ەكەنىن ايتىپ، ەسكەرتۋ جاسادىم. سەبەبى مۇنى باسقا ادامدارعا قاۋىپتى دەپ سانادىم. بىراق بىزگە جاعىمسىز ءارى دورەكى جاۋاپ ايتىلدى، الەۋمەتتىك جەلىدەگى پاراقشاسىندا ول ءوزى دە جازدى.

پوليتسيا - ءىىم-ءنىڭ ەكى قىزمەتكەرى كەلگەن سوڭ تۇسىنىك بەرىلدى، ارىزدانۋشى دا تۇسىنىك بەردى. مەنىڭ تاراپىمنان ەشقانداي دا زاڭعا قايشى ارەكەت، دەنە جاراقاتىن سالۋ ارەكەتى بولعان جوق. ونىڭ ۇستىنە، قىز بىزگە قول سوزىپ، كەشىرىم سۇرادى. «ۇرىپ-سوعۋ» تۋرالى ايىپتاۋ نەگىزسىز دەپ ەسەپتەيمىن»، - دەدى تالعات مۇساباەۆ.

"ادىرنا" ۇلتتىق پورتالى

پىكىرلەر