بۇگىن شىمكەنت قالاسى ءماسليحاتىنىڭ كەزەكتەن تىس بەسىنشى سەسسياسى ءوتتى. وعان قالا اكىمى مۇرات ايتەنوۆ، ءماسليحات دەپۋتاتتارى، باسقارما جانە وزگە دە مەملەكەتتىك ورگان باسشىلارى قاتىستى.
كۇن تارتىبىندەگى ماسەلە بويىنشا دەپۋتاتتار «شىمكەنت قالاسىنىڭ قۇرمەتتى ازاماتى» اتاعىن 20 قالا تۇرعىنىنا بەرۋ تۋرالى شەشىم قابىلدادى. ولار شىمكەنتتىڭ الەۋمەتتىك-ەكونوميكالىق جانە مادەني دامۋىنا ەلەۋلى ۇلەس قوسىپ، قوعامدىق قىزمەتتە بەلسەندىلىك تانىتقانى ءۇشىن وسى اتقا لايىق دەپ تانىلدى. ءبىرى زەينەتكەر-ۇستاز، ءبىرى يمام بولسا، ەندى ءبىرى پروفەسسور مەن كاسىپكەر.
شاھار باسشىسى قانشاما ۇسىنىستار اراسىنان ۇزدىكتەردى انىقتاۋدا جاۋاپتى شەشىم قابىلداعان دەپۋتاتتار كورپۋسىنا العىسىن ءبىلدىردى.
سونىمەن، شىمكەنت قالاسىنىڭ قۇرمەتتى ازاماتتارى:
وماروۆ مۇحان ومارۇلى - شىمكەنت قالالىق ارداگەرلەر كەڭەسىنىڭ القا مۇشەسى، ءال-فارابي اۋداندىق ارداگەرلەر كەڭەسىنىڭ توراعاسى;
رۇستەموۆ ساۆيت رۇستەمۇلى - زەينەتكەر، ەڭبەك ارداگەرى;
ابۋباكىروۆ ساعىنعالي ساندىبايۇلى - وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ پروفەسسورى;
برەنەر پاۋلينا ميحايلوۆنا - ەڭبەك ارداگەرى، ارداگەر ۇستاز;
تۇلەمباەۆا قانىمشا مۇتاجبەكقىزى - زەينەتكەر;
بەكنازاروۆ نۇرلان قۇديارۇلى - قر پارلامەنتى سەناتىنىڭ دەپۋتاتى، قازاقستاننىڭ مەملەكەتتىك جانە قوعام قايراتكەرى;
زلاۆدينوۆ ۆەلكيم يليچ - «ۆيزيت الكوگولسىز سۋسىندار زاۋىتى» جشس-نىڭ باس ديرەكتورى;
مىرزاحمەتوۆ مەلدەبەك مىرزاحمەتۇلى - «سۋ رەسۋرستارى – ماركەتينگ» جشس-نىڭ كەڭەسشىسى;
قۇلاكەەۆ وڭلاسبەك قۇدايبەرگەنۇلى - زەينەتكەر، وڭتۇستىك قازاقستان مەديتسينا اكادەمياسىنىڭ حيرۋرگيالىق پاندەر كافەدراسىنىڭ پروفەسسورى;
جۇماتاەۆ جانداربەك - زەينەتكەر، ەڭبەك ارداگەرى;
شاكيروۆ مۇقان - جۇمات شانين اتىنداعى شىمكەنت قالالىق اكادەميالىق قازاق دراما تەاترىنىڭ اكتەرى;
قالانوۆا رايحان مۇرتازاقىزى - وقۋشىلار سارايى «ايگولەك» بي ءانسامبلىنىڭ كوركەمدىك جەتەكشىسى;
كەرىمبەك احمەتجان ءپىرالىۇلى - «ابدۋلحاميد قاتتاني» مەشىتىنىڭ باس يمامى;
ازىمباەۆ اسقار كەبەشۇلى - «ارحيتەكتۋرا ديزاين–ش» جشس-نىڭ ديرەكتورى;
سۋلايمانوۆ نيزامحان سۋلايمانوۆيچ - جەكە كاسىپكەر، «اروفات» جەكەمەنشىك بالاباقشا، مەكتەبىنىڭ، «رسۋ-1» جشس-نىڭ قۇرىلتايشىسى;
جاقسىقۇلوۆ باحىتجان ەرجانۇلى - ءلاززات تاجيەۆا اتىنداعى №4 وليمپيادا رەزەرۆىنىڭ مامانداندىرىلعان
بالالار-جاسوسپىرىمدەر سپورت مەكتەبى» كوممۋنالدىق مەملەكەتتىك مەكەمەسىنىڭ ديرەكتورى;
بوتانوۆ امانگەلدى شوتانۇلى - زەينەتكەر;
ەلشىباەۆ اقىلبەك كۇلىشۇلى - سوت سالاسىنىڭ ارداگەرى;
الەكەشەۆ امانگەلدى ءىزمۇحانۇلى - «شىمكەنت قالاسى پروكۋراتۋراسىنىڭ ارداگەرلەر ۇيىمى» قب توراعاسى;
احمادين ءالىمجان احمادينۇلى - ىشكى ىستەر ورگانىنىڭ قۇرمەتتى ارداگەرى;
شىمكەنت قالاسى اكىمىنىڭ ءباسپاسوز قىزمەتى
