ەلوردادا ەر ادام بۇرىنعى سۇيىكتىسىن قايتارۋ ءۇشىن ءۇشىنشى قاباتتان سەكىرمەك بولدى

2538
Adyrna.kz Telegram

نۇر-سۇلتان پوليتسەيلەرى ء"ۇشىنشى قاباتتان سەكىرەمىن" دەپ قورقىتقان قاتارداعى ەر ادامدى قۇتقاردى، دەپ حابارلايدى "ادىرنا" ۇلتتىق پورتالى.

"ەلوردا پوليتسەيلەرى ءۇشىنشى قاباتتىڭ بالكونىنان سەكىرمەك بولعان ماس كۇيىندە جانجال شىعارعان ادامنىڭ ءومىرىن ساقتاپ قالدى. ءتارتىپ ساقشىلارى تۇرمىستىق زورلىق-زومبىلىق تۋرالى شاقىرتۋعا كەلگەن بولاتىن. پوليتسياعا ساعات 07.40-تا «102» ارناسىنا ەر ادامنىڭ جانجال شىعارعانى تۋرالى حابارلاما كەلىپ ءتۇستى. قوڭىراۋ شالۋشىنىڭ بۇرىنعى بولمەلەسى ونىڭ ۇيىنە ماس كۇيىندە كەلگەنى انىقتالدى. 25 جاستاعى جاس جىگىت ەگەر وعان بۇرىنعى ماحابباتى ورالماسا، ءۇشىنشى قاباتتان سەكىرەمىن دەپ قورقىتتى", - دەلىنگەن قر ءىىم رەسمي سايتىنىڭ حابارلاماسىندا.

قوڭىراۋعا اۆتوپاترۋل كەلدى. پاترۋلدىك پوليتسيا پولكىنىڭ ينسپەكتورلارى پاتەرگە كوتەرىلىپ، تەرەزە ۇستىندە وتىرىپ، قولىنا پىشاق ۇستاعان ادامدى كوردى. ءتارتىپ ساقشىلارى ەر ادامنىڭ نازارىن اۋدارىپ، ونى قارۋسىزداندىرىپ، سودان كەيىن ونى پاتەرگە سۇيرەپ كىرگىزدى.

قابىلدانعان شارالار ناتيجەسىندە مۇمكىن بولعان قايعىلى جاعدايدىڭ الدىن الدى. مۇنداي فاكتىلەردى بولدىرماۋ ءۇشىن ونىمەن پروفيلاكتيكالىق اڭگىمە وتكىزىلدى، - دەلىنگەن حابارلامادا.

"ادىرنا" ۇلتتىق پورتالى

پىكىرلەر