Ǵımarattyń qurylysyn júrgizgen «Broad Group» kompanııasy eken.
«Broad Group» kompanııasyna 10 qabatty úıdiń qurylysyn salýǵa bir kúnnen astam ýaqyt jumsaǵan. Dálirek aıtqanda 28 saǵat 45 mınýt! Bolashaqta mundaı quramalar qurylysta kóp qabatty turǵyn úıler, jataqhanalar, qonaq úıler, aýrýhanalar salý úshin paıdalanylýy múmkin. Onyń eń erekshelikteriniń biri árbir qurylys modýli búktelgen kúıinde kólik konteıneriniń ólshemimen teń bolýy (12-18 metr). Modýlderdi qoldanystaǵy jetkizý ádisterin qoldana otyryp, álemniń kez-kelgen núktesine jetkizý ońaı.
Ár modýl zaýytta jınalady jáne negizinen sym, oqshaýlaý, áınek jáne jeldetý júıesi bar tot baspaıtyn bolattan jasalǵan qurylymnan turady. Qarapaıym tilmen aıtqanda, negizgi ıdeıa ǵımarattyń bólikterin qurastyrmaly daıyn qurylys alańyna jetkizý jáne qurylymdy birtindep jınaý. Sodan keıin úı elektr jáne sý baılanystaryna qosylady.
Ǵımaratty bir kúnde jınaý úshin «Broad Group» proesti tezdetý jáne jumysty osyndaı áserli ýaqytta oryndaý úshin shaǵyn qurylysshylar tobyn jáne 3 munaralyq krandar paıdalanǵan. Alaıda, kompanııa ókilderi jumysshylardyń ádettegi sany bar standartty nysanda ǵımarat tez salynatynyn aıtady.
Qurama konstrýkııalar berik, seısmıkalyq tózimdi, qajet bolǵan jaǵdaıda bólshekteýge jáne tasymaldaýǵa ońaı eken.
Pysy-mysy: Qazirgi naryqta úılerdiń baǵasy ushyp turǵan bizdiń elde de osyndaı tehnologııany qoldanyp, tezdetip úılerdi salyp, halyqty tez arada qoljetimdi baspanamen qamtamasyz etse... Ózindik quny da áldeqaıda arzanǵa túser me edi.
Dosbol ORAZǴALIULY,
"Adyrna" ulttyq portaly
